2026 jylǵy 1 qazannan bastap Almatyda aýyz sý men káriz qyzmetteriniń tarifi kóteriledi. Bul týraly Óńirlik kommýnikatsiialar qyzmetinde ótken brifingte «Almaty Sý» kommýnaldyq kásipornynyń ókilderi málimdedi, dep habarlaidy dalanews.kz.
Jańa tarif boiynsha turǵyndar úshin QQS-pen birge sýyq sýdyń 1 tekshe metri 178,06 teńge, al sarqyndy sýlardy burý qyzmetiniń 1 tekshe metri 119,46 teńge bolady. Zańdy tulǵalar úshin sýyq sýdyń tarifi 362,18 teńge, káriz qyzmeti 264,75 teńge bolyp belgilendi. Al biýdjettik uiymdar sýyq sýdyń 1 tekshe metri úshin 649,6 teńge, sý burý qyzmeti úshin 189,14 teńge tóleidi.
Kásiporyn ókilderiniń aitýynsha, tarifterdiń qaita qaralýyna birneshe faktor áser etken. Atap aitqanda, paidalaný shyǵyndarynyń ósýi, infraqurylym kóleminiń ulǵaiýy, qyzmetkerlerdiń eńbekaqysyn arttyrý qajettiligi jáne investitsiialyq mindettemeler sebep bolǵan.
«Almaty Sý» mamandarynyń málimetinshe, tarifterdiń jańartylýy sýmen jabdyqtaý jáne káriz júieleriniń turaqty jumysyn qamtamasyz etýge, sondai-aq injenerlik jelilerdi jańǵyrtýǵa baǵyttalǵan.
