«Hadiia» direktory Darhan Saqtaǵannyń ózi de osy kúnge deiin jalaqy almapty. «HALAL Áleminiń» bas redaktory Arsen Sattardyń da kúii osyndai – qaramaǵyndaǵy qyzmetkerlerdiń quqyǵyn qorǵaýǵa shamasy kelmeidi. Aitýynsha, onyń ózine de 23 aidyń jalaqysy tólenbegen.
«HALAL Álemi» jýrnalyn shyǵarýǵa onǵa jýyq adam jumyldyrylǵan. O bastaǵy kelisim boiynsha, jalaqy mólsheri árkimniń qyzmetine qarai 300 AQSh dollarynan bastalyp, 1500 dollarmen aiaqtalady. 2015 jyldyń kúzinde dollar qymbattap ketken kezde «Hadiia» JShS-niń quryltaishysy Qanat Ájibaev qyzmetkerlerge jalaqy tóleýdi sozbaqqa salyp júrgenine ózin kináli sanasa kerek, valiýta rynogyndaǵy ózgeristerge qaramai jalaqyǵa qatysty burynǵy mindettemeni oryndaitynyn málimdepti. Biraq, sol ýáde sóz kúiinde qalyp, áli kúnge deiin jalaqy qaryzyn ótemei kele jatyr.
«HALAL Álemi» jýrnalynyń qatardaǵy qyzmetkerleri Qanat Ájibaevti jyǵa tanymaidy. Kóbine ol jýrnalisterdiń jalaqysyna qatysty túrli syltaýyn SMS habarlamamen jazyp, basylymnyń bas redaktory arqyly qyzmetkerlerge jetkizedi. Qazir onyń bir telefony óshirýli, ekinshisine qońyraý baryp tur, biraq oǵan jaýap bermeidi. Ol jónindegi ashyq aqparat ta mardymsyz, onyń ne istep júrgenin adam túsinip bolmaidy. Internetten tapqan keibir málimetterde Qanat Ájibaevtyń «Qazaqstan halal indýstriiasy» assotsiatsiiasynyń Almaty filialynyń direktory ekeni jazylǵan. Bul assotsiatsiia Qazaqstan Musylmandary dini basqarmasymen (QMDB) tyǵyz bailanysta jumys isteitini belgili.
«HALAL Álemi» jýrnalynyń qatardaǵy qyzmetkerleri Qanat Ájibaevti jyǵa tanymaidy. Kóbine ol jýrnalisterdiń jalaqysyna qatysty túrli syltaýyn SMS habarlamamen jazyp, basylymnyń bas redaktory arqyly qyzmetkerlerge jetkizedi. Qazir onyń bir telefony óshirýli, ekinshisine qońyraý baryp tur, biraq oǵan jaýap bermeidi. Ol jónindegi ashyq aqparat ta mardymsyz, onyń ne istep júrgenin adam túsinip bolmaidy. Internetten tapqan keibir málimetterde Qanat Ájibaevtyń «Qazaqstan halal indýstriiasy» assotsiatsiiasynyń Almaty filialynyń direktory ekeni jazylǵan. Bul assotsiatsiia Qazaqstan Musylmandary dini basqarmasymen (QMDB) tyǵyz bailanysta jumys isteitini belgili. «Qazaqstan halal indýstriiasy» – kásiporyndardyń ónimderine «halal» sertifikatyn beretin jáne osy qyzmeti úshin aqy alatyn uiym. Buryn bul uiym tamaq ónimderiniń ǵana «halal» nemese «halal emes» ekenin anyqtaityn. Qazir kiim-keshek, jihaz jáne basqa da turmysta tutynatyn zattardy sertifikattaýdy kúsheitti.
«HALAL Álemi» jýrnaly da osy baǵyt boiynsha jumys istei bastaǵan. Dini sipattaǵy ýaǵyzdyń shegine jetkeni sonshalyq – redaktsiia qyzmetkerleri de ústine kiip júrgen kiimine úńilip, onyń «halal» nemese «halal emes» ekenin anyqtaýǵa tyrysyp, únemi óz-ózine kúmándanyp júretin jaǵdaiǵa jetti. «Halal» belgisi bar azyq-túlikti ǵana tutynýǵa kóshti. Tipti, qoǵamdyq kólikke mingende, ashanaǵa tamaqtanýǵa nemese toi-jiyndarǵa barǵanda terimen qaptalǵan oryndyqtar men divandarǵa sekemdene qaraityn halge dýshar boldy. Árine, keide «halal» talaptary túrli sebepterge bailanysty oryndalmai qalady. Mundaida "halal" jolyn ustanatym adam ishtei ózin kináli sezinetini belgili. Dini sipattaǵy jýrnal shyǵaryp otyrǵan jýrnalisterge sondaǵy aitylatyn ýaǵyzdyń áseri óz degenin istetedi eken. Sondyqtan bolsa kerek, qazir «HALAL Álemi» basylymynyń qyzmetkerleri ózderin Qudaidyń aldynda kináli sezinetin kúi keship júr. Jýrnal qojaiynynyń «Inshalla» dep bastaityn sózi men SMS habarlamalarynan keiin jýrnalisterdiń jasqanyp, ózderiniń eki jyl boiy ótelmegen «taban aqy, mańdai terin» zańdy túrde talap ete almai, prokýratýraǵa aryz jaza almai kúbejektep imene berýiniń sebebi de osynda. Dini sezimniń pernelerin dál basqan «Halal» magnattar adamdardyń osy bir osal tusyn óz paidasyna jaratyp jatyr. Olardyń osy isi «halal» ma?
Oraz Álimbekov
Derekkózi: serke.org
