Astanada Ekaterina Bivolǵa qatysty sotqa deiingi tergeý júrip jatyr, dep habarlaidy Dalanews.kz Newtimes.kz basylymyna silteme jasap.
IIM málimetinshe, Astana qalasynyń Politsiia departamenti Ekaterina Bivolǵa qatysty Qazaqstan Respýblikasy Qylmystyq kodeksiniń 174-baby 1-bóligi boiynsha sotqa deiingi tergeý júrgizip jatyr. Atalǵan bap áleýmettik, ulttyq, rýlyq, násildik, taptyq nemese dini alaýyzdyqty qozdyrý faktilerine qatysty qoldanylady.
Zańnamaǵa sáikes, bul bap boiynsha aiyppul salýdan bastap 7 jylǵa deiin bas bostandyǵynan aiyrý jazasy qarastyrylǵan.
Eske salaiyq,buǵan deiin, qazan aiynda Qazaqstannyń Ishki ister ministrligi Ekaterina Bivolǵa qatysty qylmystyq is qozǵalǵanyn rastaǵan jáne ony ekstraditsiialaý máselesi kóteriletinin habarlaǵan bolatyn. Keiin oǵan izdeý salynǵan.
Oǵan uqsas qylmystyq is Qyrǵyzstanda da tirkelgen. Onda Ekaterina Bivol ultaralyq arazdyqty qozdyrdy degen aiyppen jaýapqa tartylǵan.
Sankt-Peterbýrg qalasynyń Lenin aýdandyq soty Ekaterina Bivoldy ákimshilik quqyq buzýshylyq jasaǵany úshin kináli dep tanyp, oǵan 60 saǵat mindetti qoǵamdyq jumys jazasyn taǵaiyndady.
