Qazaqstannyń Bas prokýratýrasy “NeMolchi” qorynyń basshysy Dina Tańsáriniń Chernogoriiadan saiasi baspana suraǵanyn rastady, dep habarlaidy Dalanews.kz.
Vedomstvonyń málimetinshe, 15 sáýir kúni Chernogoriia soty ony ekstraditsiialaý máselesi qaralyp jatqan kezde bostandyqqa shyǵarǵan. Mundai sheshim Dina Tańsáriniń baspana berý jónindegi ótinishiniń qaralýy aiaqtalmaǵanyna bailanysty qabyldanǵan.
Bas prokýratýranyń habarlaýynsha, Qazaqstan men Chernogoriia arasynda qylmyskerlerdi ekstraditsiialaý jóninde halyqaralyq kelisim joq. Osyǵan orai, Dina Tańsárini Qazaqstanǵa qaitarý máselesi Chernogoriianyń quzyrly organdarynyń sheshimimen ǵana júzege asady.
"Qazirgi tańda Dina Tańsárige qatysty qozǵalǵan qylmystyq is boiynsha sotqa deiingi tergep-tekserý merzimi toqtatyldy", — dep málimdedi Bas prokýratýra.
Eske salaiyq, buǵan deiin "NeMolchi.kz" qorynyń jetekshisi Dinara Smaiylovanyń (Dina Tańsári) Chernogoriiada ustalýyna bailanysty Bas prokýratýra málimdeme jasaǵan edi.
Tergeý organdarynyń málimetinshe, Dinara Smaiylovaǵa qarsy alty birdei qylmystyq is qozǵalǵan. Ol alaiaqtyq, jeke ómirge qolsuǵýshylyq jáne jalǵan aqparat taratý baptary boiynsha kúdikke ilindi.
2023 jylǵy sáýirde Tańsári áleýmettik jelide Óskemende bir qyzdyń óz-ózine qol salǵany jóninde jalǵan aqparat taratqan.
Artynsha ol qaiǵyryp kóńil aitý jazbalaryn jariialap, zardap shekken tarapqa advokat jaldaýǵa dep halyqtan qarajat jinai bastaǵan.
Nátijesinde, sot protsesi kezinde 20 million teńgeden astam qarjy jinalǵan. Alaida sotta belgili bolǵandai, advokatty qyzdyń otbasy ózi jaldaǵan, al jinalǵan qarajattyń isti qorǵaýǵa jumsalmaǵany anyqtalǵan.
Taǵy bir jaǵdaida, Tańsári kámeletke tolmaǵan zorlyq qurbanyna kómek retinde birneshe million teńge jinaǵan. Biraq tergeý málimetine sáikes, bul oqiǵa tolyǵymen oidan shyǵarylǵan, al qarjy qor shotyna emes, onyń kúieýiniń jeke kartasyna aýdarylǵan.
Sonymen qatar, Tańsári shetelde júrip, jeke qajettilikteri úshin qaiyrymdylyq jinaýdy jalǵastyrǵany belgili boldy.
Kem degende jeti adam politsiiaǵa shaǵym túsirip, alaiaqtyqtyń qurbany bolǵandaryn málimdegen.
Syrttai taǵaiyndalǵan jaza
Sot Dina Tańsárini asa iri kólemde alaiaqtyq jasady dep syrttai kúdikti dep tanydy jáne qamaýǵa alý túrindegi bultartpaý sharasyn bekitti.
Bas prokýratýranyń resmi málimdemesi
Qazaqstan IIM Interpoly Smaiylovanyń Chernogoriiada júrgenin anyqtaǵan, sol sebepti Bas prokýratýra onyń ekstraditsiiasy boiynsha suraý joldaǵan.
«Búginde Qazaqstan men Chernogoriia arasynda ekstraditsiia týraly halyqaralyq kelisim joq. Osy sebepti atalǵan sheteldik memleket Smaiylovany berýden bas tartty.
Qabyldanǵan sot sheshimine qaramastan, Qazaqstannyń quqyq qorǵaý organdary ony qylmystyq jaýapkershilikke tartý boiynsha jumysty jalǵastyrady», – delingen Bas prokýratýra taratqan habarlamada.
