قازاقستاننىڭ باس پروكۋراتۋراسى “نەمولچي” قورىنىڭ باسشىسى دينا تاڭسەرٸنٸڭ چەرنوگورييادان ساياسي باسپانا سۇراعانىن راستادى, دەپ حابارلايدى Dalanews.kz.
ۆەدومستۆونىڭ مەلٸمەتٸنشە, 15 سەۋٸر كٷنٸ چەرنوگورييا سوتى ونى ەكستراديتسييالاۋ مەسەلەسٸ قارالىپ جاتقان كەزدە بوستاندىققا شىعارعان. مۇنداي شەشٸم دينا تاڭسەرٸنٸڭ باسپانا بەرۋ جٶنٸندەگٸ ٶتٸنٸشٸنٸڭ قارالۋى اياقتالماعانىنا بايلانىستى قابىلدانعان.
باس پروكۋراتۋرانىڭ حابارلاۋىنشا, قازاقستان مەن چەرنوگورييا اراسىندا قىلمىسكەرلەردٸ ەكستراديتسييالاۋ جٶنٸندە حالىقارالىق كەلٸسٸم جوق. وسىعان وراي, دينا تاڭسەرٸنٸ قازاقستانعا قايتارۋ مەسەلەسٸ چەرنوگورييانىڭ قۇزىرلى ورگاندارىنىڭ شەشٸمٸمەن عانا جٷزەگە اسادى.
"قازٸرگٸ تاڭدا دينا تاڭسەرٸگە قاتىستى قوزعالعان قىلمىستىق ٸس بويىنشا سوتقا دەيٸنگٸ تەرگەپ-تەكسەرۋ مەرزٸمٸ توقتاتىلدى", — دەپ مەلٸمدەدٸ باس پروكۋراتۋرا.
ەسكە سالايىق, بۇعان دەيٸن "نەمولچي.kz" قورىنىڭ جەتەكشٸسٸ دينارا سمايىلوۆانىڭ (دينا تاڭسەرٸ) چەرنوگورييادا ۇستالۋىنا بايلانىستى باس پروكۋراتۋرا مەلٸمدەمە جاساعان ەدٸ.
تەرگەۋ ورگاندارىنىڭ مەلٸمەتٸنشە, دينارا سمايىلوۆاعا قارسى التى بٸردەي قىلمىستىق ٸس قوزعالعان. ول الاياقتىق, جەكە ٶمٸرگە قولسۇعۋشىلىق جەنە جالعان اقپارات تاراتۋ باپتارى بويىنشا كٷدٸككە ٸلٸندٸ.
2023 جىلعى سەۋٸردە تاڭسەرٸ ەلەۋمەتتٸك جەلٸدە ٶسكەمەندە بٸر قىزدىڭ ٶز-ٶزٸنە قول سالعانى جٶنٸندە جالعان اقپارات تاراتقان.
ارتىنشا ول قايعىرىپ كٶڭٸل ايتۋ جازبالارىن جارييالاپ, زارداپ شەككەن تاراپقا ادۆوكات جالداۋعا دەپ حالىقتان قاراجات جيناي باستاعان.
نەتيجەسٸندە, سوت پروتسەسٸ كەزٸندە 20 ميلليون تەڭگەدەن استام قارجى جينالعان. الايدا سوتتا بەلگٸلٸ بولعانداي, ادۆوكاتتى قىزدىڭ وتباسى ٶزٸ جالداعان, ال جينالعان قاراجاتتىڭ ٸستٸ قورعاۋعا جۇمسالماعانى انىقتالعان.
تاعى بٸر جاعدايدا, تاڭسەرٸ كەمەلەتكە تولماعان زورلىق قۇربانىنا كٶمەك رەتٸندە بٸرنەشە ميلليون تەڭگە جيناعان. بٸراق تەرگەۋ مەلٸمەتٸنە سەيكەس, بۇل وقيعا تولىعىمەن ويدان شىعارىلعان, ال قارجى قور شوتىنا ەمەس, ونىڭ كٷيەۋٸنٸڭ جەكە كارتاسىنا اۋدارىلعان.
سونىمەن قاتار, تاڭسەرٸ شەتەلدە جٷرٸپ, جەكە قاجەتتٸلٸكتەرٸ ٷشٸن قايىرىمدىلىق جيناۋدى جالعاستىرعانى بەلگٸلٸ بولدى.
كەم دەگەندە جەتٸ ادام پوليتسيياعا شاعىم تٷسٸرٸپ, الاياقتىقتىڭ قۇربانى بولعاندارىن مەلٸمدەگەن.
سىرتتاي تاعايىندالعان جازا
سوت دينا تاڭسەرٸنٸ اسا ٸرٸ كٶلەمدە الاياقتىق جاسادى دەپ سىرتتاي كٷدٸكتٸ دەپ تانىدى جەنە قاماۋعا الۋ تٷرٸندەگٸ بۇلتارتپاۋ شاراسىن بەكٸتتٸ.
باس پروكۋراتۋرانىڭ رەسمي مەلٸمدەمەسٸ
قازاقستان ٸٸم ينتەرپولى سمايىلوۆانىڭ چەرنوگورييادا جٷرگەنٸن انىقتاعان, سول سەبەپتٸ باس پروكۋراتۋرا ونىڭ ەكستراديتسيياسى بويىنشا سۇراۋ جولداعان.
«بٷگٸندە قازاقستان مەن چەرنوگورييا اراسىندا ەكستراديتسييا تۋرالى حالىقارالىق كەلٸسٸم جوق. وسى سەبەپتٸ اتالعان شەتەلدٸك مەملەكەت سمايىلوۆانى بەرۋدەن باس تارتتى.
قابىلدانعان سوت شەشٸمٸنە قاراماستان, قازاقستاننىڭ قۇقىق قورعاۋ ورگاندارى ونى قىلمىستىق جاۋاپكەرشٸلٸككە تارتۋ بويىنشا جۇمىستى جالعاستىرادى», – دەلٸنگەن باس پروكۋراتۋرا تاراتقان حابارلامادا.
