“Dıkıı Arman” laqap atymen belgili Arman Jumageldıevke qatysty tyń derek shyqty, dep habarlaıdy Dalanews.kz.

İİM Qylmystyq-atqarý júıesi komıtetiniń baspasóz qyzmeti Jumageldıevtiń ózine jeńil dene jaraqatyn keltirgenin habarlady.

“Sottalýshy ózine jeńil jaraqattar salǵan. Dereý medısınalyq kómek kórsetildi, qazirgi jaǵdaıy turaqty. Sonymen qatar onymen mekeme psıhologtary profılaktıkalyq jumystar júrgizip jatyr. Oqıǵaǵa qatysty qyzmettik tergeý taǵaıyndaldy”, — dep málimdedi komıtet ókilderi.

Eske salaıyq, 27 qańtarda Arman Jumageldıevtiń qylmystyq toby Almaty qalasynda jappaı tártipsizdikter uıymdastyrý jáne azamattardy urlap áketý boıynsha aıyptalyp, sottaldy. 

Sot sheshimimen Jumageldıev QR QK-niń birneshe baptary boıynsha kináli dep tanylyp, 20 jylǵa bas bostandyǵynan aıyryldy. Ysqaqov – 15,6 jyl, Qudaıbergen – 8 jyl, top músheleri – 10-15,5 jylǵa, basqa qatysýshylar – 1,5-7 jylǵa sottaldy.

Úkim zańdy kúshine engen joq.