“ديكيي ارمان” لاقاپ اتىمەن بەلگىلى ارمان جۇماگەلدييەۆكە قاتىستى تىڭ دەرەك شىقتى، دەپ حابارلايدى Dalanews.kz.
ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى جۇماگەلدييەۆتىڭ وزىنە جەڭىل دەنە جاراقاتىن كەلتىرگەنىن حابارلادى.
“سوتتالۋشى وزىنە جەڭىل جاراقاتتار سالعان. دەرەۋ مەديسينالىق كومەك كورسەتىلدى، قازىرگى جاعدايى تۇراقتى. سونىمەن قاتار ونىمەن مەكەمە پسيحولوگتارى پروفيلاكتيكالىق جۇمىستار جۇرگىزىپ جاتىر. وقيعاعا قاتىستى قىزمەتتىك تەرگەۋ تاعايىندالدى”، — دەپ مالىمدەدى كوميتەت وكىلدەرى.
ەسكە سالايىق، 27 قاڭتاردا ارمان جۇماگەلدييەۆتىڭ قىلمىستىق توبى الماتى قالاسىندا جاپپاي تارتىپسىزدىكتەر ۇيىمداستىرۋ جانە ازاماتتاردى ۇرلاپ اكەتۋ بويىنشا ايىپتالىپ، سوتتالدى.
سوت شەشىمىمەن جۇماگەلدييەۆ ق ر قك-نىڭ بىرنەشە باپتارى بويىنشا كىنالى دەپ تانىلىپ، 20 جىلعا باس بوستاندىعىنان ايىرىلدى. ىسقاقوۆ – 15،6 جىل، قۇدايبەرگەن – 8 جىل، توپ مۇشەلەرى – 10-15،5 جىلعا، باسقا قاتىسۋشىلار – 1،5-7 جىلعا سوتتالدى.
ۇكىم زاڭدى كۇشىنە ەنگەن جوق.
