Dıkıı Arman - Arman Jumageldıevtiń áıeli Aıkol Alıkjanova kúıeýine qatysty taǵaıyndalǵan úkim týraly oıyn aıtty, dep habarlaıdy Dalanews.kz. 

"Úkim osyndaı bolatynyn bildim, biraq keshe kózim jetti. Sonda da úmitim boldy. Meniń de, onyń da eńsesi túspegenin bilseńizder eken dep jazyp otyrmyn. 20 jyl degen ne ol? Onyń úsh jyly ótip ketti, 17 jyly qaldy. 

Bastapqyda onymen kezdesýge ruqsat bergen kezde eńsesi túsip, ómir súrgisi kelmeı ketkenin baıqadym. Sol kezde men ony qushaqtap, "Al biz she? Bizdiń qyzymyz she?" dep suradym. Ol kúlimsirep, "ıá, durys aıtasyń" dedi. Áli qyzymyzdy uzatýymyz kerek. Osy oı onyń júregine jylý syılady. Osy oımen ómir súrdi. Qyzymyzdyń sýretterin qarap, ol týraly áńgimelerdi tyńdaǵandy jaqsy kóredi. Qyzymyz áli kishkentaı ári ázirge eshteńeni túsinbeıtini qandaı jaqsy. Basqa aıtarym joq", deıdi Aıkol. 

Eske salaıyq, 27 qańtarda Arman Jumageldıevtiń qylmystyq toby Almaty qalasynda jappaı tártipsizdikter uıymdastyrý jáne azamattardy urlap áketý boıynsha aıyptalyp, sottaldy. 

Sot sheshimimen Jumageldıev QR QK-niń birneshe baptary boıynsha kináli dep tanylyp, 20 jylǵa bas bostandyǵynan aıyryldy. Ysqaqov – 15,6 jyl, Qudaıbergen – 8 jyl, top músheleri – 10-15,5 jylǵa, basqa qatysýshylar – 1,5-7 jylǵa sottaldy.

Úkim zańdy kúshine engen joq.