Dikii Armannyń isin qaraǵan sýdia Ashat Áshirbekov jańa qyzmetke taǵaiyndaldy, dep habarlaidy Dalanews.kz.
Áshirbekov Áskeri sottyń alqa tóraǵasy bolyp taǵaiyndaldy. Ol bul qyzmetke 2025 jylǵy 13 naýryzda prezident jarlyǵymen taǵaiyndalǵan.
Ashat Áshirbekov 1981 jyly Qaraǵandy qalasynda dúniege kelgen. Beisenov atyndaǵy Qaraǵandy IIM akademiiasyn bitirgen. Zań ǵylymdarynyń kandidaty. Ár jyldary ol Qaraǵandy oblysynyń ishki ister organdarynda ofitserlik quramda túrli qyzmet atqarǵan (2002–2007 jyldar aralyǵynda).
2007 jyldan 2010 jylǵa deiin Qaraǵandy oblysy Jezqazǵan qalalyq sotynyń sýdiasy bolyp qyzmet etken. Odan keiin 2010–2018 jyldary aralyǵynda Astananyń mamandandyrylǵan aýdanaralyq qylmystyq ister jónindegi sotynyń sýdiasy boldy. Sol kezeńde ol alqabilerdiń qatysýymen Erasyl Aýbakirovtiń Astanadaǵy ólimine qatysty atyshýly isti qaraǵan.
2018 jyldyń qazanynda Áshirbekov Almaty qalalyq sotynyń sýdiasy bolyp taǵaiyndaldy. Eki jyldan keiin Almaty qalasynyń mamandandyrylǵan aýdanaralyq qylmystyq ister jónindegi sotynyń tóraǵasy boldy. Ashat Áshirbekovtiń jalpy sot tájiribesi 17 jyldan asady.
Eske salaiyq, 27 qańtarda Arman Jumageldievtiń qylmystyq toby Almaty qalasynda jappai tártipsizdikter uiymdastyrý jáne azamattardy urlap áketý boiynsha aiyptalyp, sottaldy.
Sot sheshimimen Jumageldiev QR QK-niń birneshe baptary boiynsha kináli dep tanylyp, 20 jylǵa bas bostandyǵynan aiyryldy. Ysqaqov – 15,6 jyl, Qudaibergen – 8 jyl, top músheleri – 10-15,5 jylǵa, basqa qatysýshylar – 1,5-7 jylǵa sottaldy.
Úkim zańdy kúshine engen joq.
