Dúniejúzilik bank Qazaqstanǵa 600 mln dollar kóleminde qaryz berýdi maquldady. Qarajat ekonomikalyq reformalardy ilgeriletýge, jeke sektordy damytýǵa jáne jańa jumys oryndaryn ashýǵa jumsalady, dep habarlaidy Dalanews.kz.
Bul qarajat ekonomikanyń qurylymyn jańartýǵa, kásipkerliktiń belsendiligin arttyrýǵa, sondai-aq, jalaqysy joǵary ári sapaly jumys oryndaryn kóbeitýge baǵyttalady. Sonymen birge, el ekonomikasynyń turaqtylyǵyn kúsheitý kózdelgen.
Baǵdarlama júzege asqan soń biznes pen turǵyndardyń ekonomikalyq múmkindikteri keńeiip, óńirlerdiń damýyna qosymsha serpin beriledi degen boljam bar.
Qaryzdy Halyqaralyq qaita qurý jáne damý banki usynady. Bul qoldaý eldiń negizgi strategiialyq qujattaryn júzege asyrýǵa baǵyttalǵan. Olardyń qatarynda "Qazaqstan-2050" strategiiasy, 2025-2029 jyldarǵa arnalǵan ulttyq damý jospary jáne tómen kómirtekti damý strategiiasy bar.
Josparlanǵan reformalar ekonomikanyń ónimdiligin arttyrýǵa, kásipkerlikti damytýǵa jáne Qazaqstannyń barlyq óńirinde jańa jumys oryndaryn ashýǵa jol ashady.
