AQSh prezidenti Donald Tramptyń ushaǵy Izraildegi Ben-Gýrion atyndaǵy áýejaiǵa qondy, dep habarlaidy Dalanews.kz.
The Times of Israel málimetinshe, áýejaiǵa Trampty qarsy alý úshin Izrail premer-ministri Biniamin Netaniahý men el prezidenti Itshak Gertsog keldi. Sondai-aq Tramppen birge onyń qyzy Ivanka Tramp, kúieýbalasy Djared Kýshner jáne AQSh-tyń Taiaý Shyǵys jónindegi arnaiy ókili Stiv Ýitkoff te bar. Olardyń úsheýi de Izrail men HAMAS arasyndaǵy bitim jónindegi kelissózderde mańyzdy ról atqarǵan dep sanalady.
Aqparatqa sáikes, Tramp Izrailde birneshe saǵat bolady. Sol ýaqyt ishinde ol HAMAS tutqynynda bolǵandardyń otbasylarymen kezdesip, keiin Izrail parlamentinde sóz sóileidi.
Sapardyń sońynda Donald Tramp Mysyrǵa ushyp, Gaza sektoryndaǵy beibit kelisimniń alǵashqy kezeńi jónindegi qujatqa qol qoiý rásimine jáne sammitke qatysady dep josparlanǵan.
Eske salaiyq,Izrail men HAMAS arasyndaǵy bitim kúshine engen bolatyn.
Gazada atysty toqtatý rejimi kúshine endi. HAMAS qozǵalysymen tiisti kelisimdi Izrail úkimeti bekitti. Alǵashqy kezeń aiasynda HAMAS tiri qalǵan barlyq tutqyndardy bosatady, al Izrail armiiasy áskerin shegindirýdi bastaidy.
10 qazanǵa qaraǵan túni Izrail Ministrler kabineti radikaldy HAMAS qozǵalysymen bitim jónindegi kelisimdi bekitti. Izrail premer-ministriniń keńsesi RBK-ǵa túsindirgendei, dál osy sátten bastap atysty toqtatý rejimi kúshine endi.
Kelisimniń ózi buǵan deiin, 9 qazanda, Mysyrdyń Sharm-esh-Sheih qalasynda jasalǵan. Onyń negizine AQSh prezidenti Donald Tramp ótken aptada usynǵan jospar alynǵan.
