اقش پرەزيدەنتى دونالد ترامپتىڭ ۇشاعى يزرايلدەگى بەن-گۋريون اتىنداعى اۋەجايعا قوندى، دەپ حابارلايدى Dalanews.kz.

The Times of Israel مالىمەتىنشە، اۋەجايعا ترامپتى قارسى الۋ ءۇشىن يزرايل پرەمەر-مينيسترى بينيامين نەتانياحۋ مەن ەل پرەزيدەنتى يسحاك گەرسوگ كەلدى. سونداي-اق ترامپپەن بىرگە ونىڭ قىزى يۆانكا ترامپ، كۇيەۋبالاسى دجارەد كۋشنەر جانە اقش-تىڭ تاياۋ شىعىس جونىندەگى ارنايى وكىلى ستيۆ ۋيتكوفف تە بار. ولاردىڭ ۇشەۋى دە يزرايل مەن حاماس اراسىنداعى ءبىتىم جونىندەگى كەلىسسوزدەردە ماڭىزدى ءرول اتقارعان دەپ سانالادى.

اقپاراتقا سايكەس، ترامپ يزرايلدە بىرنەشە ساعات بولادى. سول ۋاقىت ىشىندە ول حاماس تۇتقىنىندا بولعانداردىڭ وتباسىلارىمەن كەزدەسىپ، كەيىن يزرايل پارلامەنتىندە ءسوز سويلەيدى.

ساپاردىڭ سوڭىندا دونالد ترامپ مىسىرعا ۇشىپ، گازا سەكتورىنداعى بەيبىت كەلىسىمنىڭ العاشقى كەزەڭى جونىندەگى قۇجاتقا قول قويۋ راسىمىنە جانە سامميتكە قاتىسادى دەپ جوسپارلانعان.

ەسكە سالايىق،يزرايل مەن حاماس اراسىنداعى ءبىتىم كۇشىنە ەنگەن بولاتىن. 

گازادا اتىستى توقتاتۋ رەجيمى كۇشىنە ەندى. حاماس قوزعالىسىمەن ءتيىستى كەلىسىمدى يزرايل ۇكىمەتى بەكىتتى. العاشقى كەزەڭ اياسىندا حاماس ءتىرى قالعان بارلىق تۇتقىنداردى بوساتادى، ال يزرايل ارمياسى اسكەرىن شەگىندىرۋدى باستايدى.

10 قازانعا قاراعان ءتۇنى يزرايل مينيسترلەر كابينەتى راديكالدى حاماس قوزعالىسىمەن ءبىتىم جونىندەگى كەلىسىمدى بەكىتتى. يزرايل پرەمەر-مينيسترىنىڭ كەڭسەسى ربك-عا تۇسىندىرگەندەي، ءدال وسى ساتتەن باستاپ اتىستى توقتاتۋ رەجيمى كۇشىنە ەندى.

كەلىسىمنىڭ ءوزى بۇعان دەيىن، 9 قازاندا، مىسىردىڭ شارم-ەش-شەيح قالاسىندا جاسالعان. ونىڭ نەگىزىنە اقش پرەزيدەنتى دونالد ترامپ وتكەن اپتادا ۇسىنعان جوسپار الىنعان.