Vashingtonda Beibitshilik keńesiniń inaýgýratsiialyq otyrysy ótti. Jiynǵa Qazaqstan Prezidenti Qasym-Jomart Toqaev qatysty, dep habarlaidy Dalanews.kz Aqordaǵa silteme jasap.
Otyrysta sóz sóilegen AQSh Prezidenti Donald Tramp alǵashqy jiynǵa qatysýshylarǵa turaqtylyqty qamtamasyz etý jáne Gazany qalpyna keltirý isindegi ujymdyq kúsh-jigeri úshin alǵys bildirdi. Memleketter basshylaryn tanystyra otyryp, ol Qazaqstandy «keremet ári bai el» dep atap ótti.
Sonymen qatar, AQSh kóshbasshysy Sammitke qatysýshy elder basshylaryn jahandyq deńgeidegi naǵyz liderler retinde sipattap, olardyń batyl sheshimderi halyqaralyq dialog pen beibitshilikti nyǵaitýǵa eleýli úles qosyp otyrǵanyn aitty.
Eske salaiyq, qańtar aiynda Qasym-Jomart Toqaev Donald Trump bastamasymen qurylǵan Beibitshilik keńesiniń jarǵysyna qol qoiǵan bolatyn. Buǵan deiin Qazaqstan Prezidenti Keńes quramyna kirýge resmi shaqyrtý alǵan edi. Qazaqstanǵa quryltaishy memleketterdiń biri bolý usynylǵan.
Vashingtonnyń bastamasymen qurylǵan Beibitshilik keńesi Gazadaǵy beibit damýǵa qatysty mindettemelerdiń oryndalýyn qadaǵalap, halyqaralyq resýrstardy jumyldyrý jáne strategiialyq baqylaý júrgizýmen ainalyspaq.
