Búgin, 30 mamyr kúni Almaty qalasynda Qazaq Sport jáne týrizm akademiiasynyń uiymdastyrýymen tuńǵysh ret Ulttyq sport túrleri federatsiia basshylarynyń qatysýymen quryltai dúrkirep ótti, dep habarlaidy dalanews.kz.
Ulttyq sport túrleri – halqymyzdyń atadan bala miras bolyp kele jatqan ulttyq qundylyqtary bolyp tabylady. Sońǵy jyldary prezidentimiz Q.Toqaevtyń erekshe qoldaýymen ulttyq sport túrleri olimpiadalyq sport túrlerimen teńesip, erekshe qarqynmen damý ústinde.
Qazaq sportynyń qara shańyraǵynda ótken alqaly jiyndy QazSTA prezidenti, professor Qairat Zakirianov óziniń quttyqtaý sózimen ashyp, quryltaiǵa kelgen qonaqtarǵa rizashylyǵyn bildirdi. Akademiia prorektory Muhtar Esqaliev júrgizgen quryltaidyń alǵashqy bóligi quttyqtaýshylarǵa arnaldy. Olardyń qatarynda QR Parlamentiniń depýtaty Daniiar Qasqaraýov, "NOMAD ARENA" ippodromynyń direktory Erjan Mailybaev, Almaty qalasy Ulttyq jáne at sporty túrleri sport klýby basshysy Nurlan Ospanov, “NOMAD STUNTS” Halyqaralyq kaskaderlar tobynyń negizin qalaýshy jáne prezidenti Jaidarbek Kýngýjinovter boldy. Qazaq kúres respýblikalyq federatsiiasynyń tuńǵysh prezidenti, Qazaq kúresinen tuńǵysh eńbek sińirgen jattyqtyrýshy, pedagogika ǵylymdarynyń kandidaty, professor, "Shyńǵyshan" ordeniniń iegeri Erǵali Muhitdinovtyń aq batasymen Quryltaidyń ashylý saltanaty óz máresine jetti.
Belgili ánshi, ulttyq sport janashyry Ázimbek Bailin «Arǵymaq» ánimen shashý shashsa, «Sport+ Qazaqstan» telearnasynyń direktory Ashat Jaqaev pen Qazaq Sport jáne týrizm akademiiasynyń prezidenti Qairat Zakirianov ózara yntymaqtastyq memorandýmyna otyrdy.
Tuńǵysh ret ótken Ulttyq sport túrleri Quryltaiyna demeýshilik kómek kórsetken ultjandy azamattar kóp boldy. Olardyń ishinde basty demeýshiler metsenat Týrsenǵali Alagózov, Almaty qalalyq Báige federatsiiasynyń prezidenti Qýat Úsenov pen atalǵan federatsiiasynyń vitse-prezidenti Nurjan Qasenovter jáne demeýshiler Almaty oblysynyń Ulttyq jekpe-jek federatsiiasynyń prezidenti Baisalbaev Baqytjan Satybaldyuly, “SULTAN SEDLO" brend dúkeniniń negizin qalaýshy Jadyra Seiitova, Abai oblysy, Aiagóz aýdany "Nurbek" sharýa qojalyǵynyń iesi Bolathan Qasenov, "Sport_stars.kz" respýblikalyq qoǵamynyń vitse-prezidenti Mýhamed Byianhý, "SULTAN-SU" kompaniianyń prezidenti, Talǵar aýdanynyń qurmetti azamaty Álisher Sultanmuratuly, "NG RASKET" kompaniianyń negizin qalaýshy Jaqsylyq Turarǵululy, "Masanchi jastary" qoǵamynyń ókili Edik Iarov jáne ulttyq sport janashyry Aslan Sabyrjanuly boldy. Atalǵan demeýshilerge Alǵys hat pen "Ulttyq sport janashyry" tósbelgisi tabys etildi.
Quryltaidyń ekinshi bóliginde spikerler baiandama jasady. Olardyń qatarynda Kóshpendilerdiń asyq sporty halyqaralyq federatsiiasynyń vitse-prezidenti, «Qurmet» ordeniniń iegeri, Qazaq kúresinen Qazaqstanǵa eńbek sińirgen jattyqtyrýshy, Arqalyq qalasynyń qurmetti azamaty, Y.Altynsarin atyndaǵy Arqalyq pedagogikalyq institýtynyń qurmetti professory, QR Qurmetti sport qairatkeri, Asyq atý sportynyń negizin qalaýshy jáne QR Asyq atý federatsiiasynyń tuńǵysh prezidenti Jomart Sabyrjanuly, Qazaqstan Respýblikasynyń Toǵyzqumalaq federatsiiasynyń prezidenti, Almaty qalalyq máslihatynyń depýtaty Ákim Tursyn, Qazaq ulttyq agrarlyq zertteý ýniversitetiniń (KazNARU) N.O.Bazanova atyndaǵy «Janýarlar biologiiasy» kafedrasynyń ustazy, professor, akademik Qairat Ishan, Almaty oblystyq Ulttyq sport túrlerin damytý direktsiiasynyń direktory Eldos Tilebaldiev, Jappai kókpar respýblikalyq federatsiiasynyń prezidenti Ǵani Dirmanov, Qusbegilik federatsiiasynyń vitse-prezidenti, QR Qurmetti sport qairatkeri Baǵdat Múptekeqyzy, Teńge ilý federatsiiasynyń prezidenti Aibek Túrkebai, «Topjarǵan» etno-mádeni ortalyǵynyń basshysy Ǵabit Tańatov, Almaty qalalyq Báige federatsiiasynyń prezidenti Qýat Úsenov, Almaty oblystyq «Mergender ordasy» federatsiiasynyń prezidenti Muhtarhan Abaǵan jáne "ZHUSAN" shyǵarmashylyq ortalyǵynyń basshysy, belgili fototilshi Jeńis Ysqabai boldy.
Spikerler óz baiandamalarynda ózderi nasihattap júrgen ulttyq sport túrleriniń damý barysy men jetken jetistikteri men ózderin tolǵandyryp júrgen máselelerdi ortaǵa saldy. Ulttyq sport túrlerin birlese damytý boiynsha baǵdarlama ázirleý máselesin talqylady.
Quryltai sonyńda Ulttyq sport túrleri direktsiiasy qurylyp, Qazaq Sport jáne týrizm akademiiasynyń janynandaǵy "Sport Konsalting Forým" uiymyna múshe bolyp qabyldandy. Jańadan qurylǵan Ulttyq sport túrleri direktsiiasynyń basshysy bolyp "NOMAD ARENA" ippodromynyń direktory Erjan Mailybaev biraýyzdan sailandy. Buǵan deiin de ulttyq sportty ulyqtaý jolynda eleýli eńbek atqaryp júrgen Erjan Qurmanáliuly endigi jerde bir týdyń astyna birigip jatqan ulttyq sport túrleri federatsiialaryn jańa belesterge bastaidy dep senim artamyz. Quryltaida aitylǵan usynys-pikirler jerde qalmai júzege asýyna tilekshimiz. Qazaq Sport jáne týrizm akademiiasynyń janynan ashylǵan direktsiia usynystardy quzyrly oryndarǵa jetkizý arqyly osy baǵytta jumystanatyn boldy. Asyq atý sportynyń negizin qalaýshy Jomart Sabyrjanuly aǵamyz jiynǵa qatysýshylarǵa aq batasyn berse, "Sport juldyzdary" jýrnalynyń bas redaktory, Qazaq Sport jáne týrizm akademiiasynyń qurmetti professory, Qazaq jýrnalistikasy men Asyq atý sportynyń qairatkeri Mýsaǵali Tasqaliev Quryltaidy qorytyndylady. Osylaisha tuńǵysh ret ótken Ulttyq sport túrleriniń quryltaiy óz máresine jetip, aldaǵy ýaqytta taǵy bas qosatyn bolyp tarqasty.
Jandos Aianbek
Pedagogika ǵylymdarynyń magistri,
«SJ»
