بٷگٸن, 30 مامىر كٷنٸ الماتى قالاسىندا قازاق سپورت جەنە تۋريزم اكادەميياسىنىڭ ۇيىمداستىرۋىمەن تۇڭعىش رەت ۇلتتىق سپورت تٷرلەرٸ فەدەراتسييا باسشىلارىنىڭ قاتىسۋىمەن قۇرىلتاي دٷركٸرەپ ٶتتٸ, دەپ حابارلايدى dalanews.kz.
ۇلتتىق سپورت تٷرلەرٸ – حالقىمىزدىڭ اتادان بالا ميراس بولىپ كەلە جاتقان ۇلتتىق قۇندىلىقتارى بولىپ تابىلادى. سوڭعى جىلدارى پرەزيدەنتٸمٸز ق.توقاەۆتىڭ ەرەكشە قولداۋىمەن ۇلتتىق سپورت تٷرلەرٸ وليمپيادالىق سپورت تٷرلەرٸمەن تەڭەسٸپ, ەرەكشە قارقىنمەن دامۋ ٷستٸندە.
قازاق سپورتىنىڭ قارا شاڭىراعىندا ٶتكەن القالى جيىندى قازستا پرەزيدەنتٸ, پروفەسسور قايرات زاكيريانوۆ ٶزٸنٸڭ قۇتتىقتاۋ سٶزٸمەن اشىپ, قۇرىلتايعا كەلگەن قوناقتارعا ريزاشىلىعىن بٸلدٸردٸ. اكادەمييا پرورەكتورى مۇحتار ەسقاليەۆ جٷرگٸزگەن قۇرىلتايدىڭ العاشقى بٶلٸگٸ قۇتتىقتاۋشىلارعا ارنالدى. ولاردىڭ قاتارىندا قر پارلامەنتٸنٸڭ دەپۋتاتى دانييار قاسقاراۋوۆ, "NOMAD ARENA" يپپودرومىنىڭ ديرەكتورى ەرجان مايلىباەۆ, الماتى قالاسى ۇلتتىق جەنە ات سپورتى تٷرلەرٸ سپورت كلۋبى باسشىسى نۇرلان وسپانوۆ, “NOMAD STUNTS” حالىقارالىق كاسكادەرلار توبىنىڭ نەگٸزٸن قالاۋشى جەنە پرەزيدەنتٸ جايداربەك كۋنگۋجينوۆتەر بولدى. قازاق كٷرەس رەسپۋبليكالىق فەدەراتسيياسىنىڭ تۇڭعىش پرەزيدەنتٸ, قازاق كٷرەسٸنەن تۇڭعىش ەڭبەك سٸڭٸرگەن جاتتىقتىرۋشى, پەداگوگيكا عىلىمدارىنىڭ كانديداتى, پروفەسسور, "شىڭعىسحان" وردەنٸنٸڭ يەگەرٸ ەرعالي مۇحيتدينوۆتىڭ اق باتاسىمەن قۇرىلتايدىڭ اشىلۋ سالتاناتى ٶز مەرەسٸنە جەتتٸ.
بەلگٸلٸ ەنشٸ, ۇلتتىق سپورت جاناشىرى ەزٸمبەك بايلين «ارعىماق» ەنٸمەن شاشۋ شاشسا, «Sport+ Qazaqstan» تەلەارناسىنىڭ ديرەكتورى اسحات جاقاەۆ پەن قازاق سپورت جەنە تۋريزم اكادەميياسىنىڭ پرەزيدەنتٸ قايرات زاكيريانوۆ ٶزارا ىنتىماقتاستىق مەموراندۋمىنا وتىردى.
تۇڭعىش رەت ٶتكەن ۇلتتىق سپورت تٷرلەرٸ قۇرىلتايىنا دەمەۋشٸلٸك كٶمەك كٶرسەتكەن ۇلتجاندى ازاماتتار كٶپ بولدى. ولاردىڭ ٸشٸندە باستى دەمەۋشٸلەر مەتسەنات تۋرسەنعالي الاگٶزوۆ, الماتى قالالىق بەيگە فەدەراتسيياسىنىڭ پرەزيدەنتٸ قۋات ٷسەنوۆ پەن اتالعان فەدەراتسيياسىنىڭ ۆيتسە-پرەزيدەنتٸ نۇرجان قاسەنوۆتەر جەنە دەمەۋشٸلەر الماتى وبلىسىنىڭ ۇلتتىق جەكپە-جەك فەدەراتسيياسىنىڭ پرەزيدەنتٸ بايسالباەۆ باقىتجان ساتىبالدىۇلى, “SULTAN SEDLO" برەند دٷكەنٸنٸڭ نەگٸزٸن قالاۋشى جادىرا سەيٸتوۆا, اباي وبلىسى, اياگٶز اۋدانى "نۇربەك" شارۋا قوجالىعىنىڭ يەسٸ بولاتحان قاسەنوۆ, "Sport_stars.kz" رەسپۋبليكالىق قوعامىنىڭ ۆيتسە-پرەزيدەنتٸ مۋحامەد بىيانحۋ, "SULTAN-SU" كومپانييانىڭ پرەزيدەنتٸ, تالعار اۋدانىنىڭ قۇرمەتتٸ ازاماتى ەلٸشەر سۇلتانمۇراتۇلى, "NG RASKET" كومپانييانىڭ نەگٸزٸن قالاۋشى جاقسىلىق تۇرارعۇلۇلى, "ماسانچي جاستارى" قوعامىنىڭ ٶكٸلٸ ەديك ياروۆ جەنە ۇلتتىق سپورت جاناشىرى اسلان سابىرجانۇلى بولدى. اتالعان دەمەۋشٸلەرگە العىس حات پەن "ۇلتتىق سپورت جاناشىرى" تٶسبەلگٸسٸ تابىس ەتٸلدٸ.
قۇرىلتايدىڭ ەكٸنشٸ بٶلٸگٸندە سپيكەرلەر بايانداما جاسادى. ولاردىڭ قاتارىندا كٶشپەندٸلەردٸڭ اسىق سپورتى حالىقارالىق فەدەراتسيياسىنىڭ ۆيتسە-پرەزيدەنتٸ, «قۇرمەت» وردەنٸنٸڭ يەگەرٸ, قازاق كٷرەسٸنەن قازاقستانعا ەڭبەك سٸڭٸرگەن جاتتىقتىرۋشى, ارقالىق قالاسىنىڭ قۇرمەتتٸ ازاماتى, ى.التىنسارين اتىنداعى ارقالىق پەداگوگيكالىق ينستيتۋتىنىڭ قۇرمەتتٸ پروفەسسورى, قر قۇرمەتتٸ سپورت قايراتكەرٸ, اسىق اتۋ سپورتىنىڭ نەگٸزٸن قالاۋشى جەنە قر اسىق اتۋ فەدەراتسيياسىنىڭ تۇڭعىش پرەزيدەنتٸ جومارت سابىرجانۇلى, قازاقستان رەسپۋبليكاسىنىڭ توعىزقۇمالاق فەدەراتسيياسىنىڭ پرەزيدەنتٸ, الماتى قالالىق مەسليحاتىنىڭ دەپۋتاتى ەكٸم تۇرسىن, قازاق ۇلتتىق اگرارلىق زەرتتەۋ ۋنيۆەرسيتەتٸنٸڭ (KazNARU) ن.و.بازانوۆا اتىنداعى «جانۋارلار بيولوگيياسى» كافەدراسىنىڭ ۇستازى, پروفەسسور, اكادەميك قايرات يسحان, الماتى وبلىستىق ۇلتتىق سپورت تٷرلەرٸن دامىتۋ ديرەكتسيياسىنىڭ ديرەكتورى ەلدوس تٸلەبالديەۆ, جاپپاي كٶكپار رەسپۋبليكالىق فەدەراتسيياسىنىڭ پرەزيدەنتٸ عاني ديرمانوۆ, قۇسبەگٸلٸك فەدەراتسيياسىنىڭ ۆيتسە-پرەزيدەنتٸ, قر قۇرمەتتٸ سپورت قايراتكەرٸ باعدات مٷپتەكەقىزى, تەڭگە ٸلۋ فەدەراتسيياسىنىڭ پرەزيدەنتٸ ايبەك تٷركەباي, «توپجارعان» ەتنو-مەدەني ورتالىعىنىڭ باسشىسى عابيت تاڭاتوۆ, الماتى قالالىق بەيگە فەدەراتسيياسىنىڭ پرەزيدەنتٸ قۋات ٷسەنوۆ, الماتى وبلىستىق «مەرگەندەر ورداسى» فەدەراتسيياسىنىڭ پرەزيدەنتٸ مۇحتارحان اباعان جەنە "ZHUSAN" شىعارماشىلىق ورتالىعىنىڭ باسشىسى, بەلگٸلٸ فوتوتٸلشٸ جەڭٸس ىسقاباي بولدى.
سپيكەرلەر ٶز باياندامالارىندا ٶزدەرٸ ناسيحاتتاپ جٷرگەن ۇلتتىق سپورت تٷرلەرٸنٸڭ دامۋ بارىسى مەن جەتكەن جەتٸستٸكتەرٸ مەن ٶزدەرٸن تولعاندىرىپ جٷرگەن مەسەلەلەردٸ ورتاعا سالدى. ۇلتتىق سپورت تٷرلەرٸن بٸرلەسە دامىتۋ بويىنشا باعدارلاما ەزٸرلەۋ مەسەلەسٸن تالقىلادى.
قۇرىلتاي سونىڭدا ۇلتتىق سپورت تٷرلەرٸ ديرەكتسيياسى قۇرىلىپ, قازاق سپورت جەنە تۋريزم اكادەميياسىنىڭ جانىنانداعى "سپورت كونسالتينگ فورۋم" ۇيىمىنا مٷشە بولىپ قابىلداندى. جاڭادان قۇرىلعان ۇلتتىق سپورت تٷرلەرٸ ديرەكتسيياسىنىڭ باسشىسى بولىپ "NOMAD ARENA" يپپودرومىنىڭ ديرەكتورى ەرجان مايلىباەۆ بٸراۋىزدان سايلاندى. بۇعان دەيٸن دە ۇلتتىق سپورتتى ۇلىقتاۋ جولىندا ەلەۋلٸ ەڭبەك اتقارىپ جٷرگەن ەرجان قۇرمانەلٸۇلى ەندٸگٸ جەردە بٸر تۋدىڭ استىنا بٸرٸگٸپ جاتقان ۇلتتىق سپورت تٷرلەرٸ فەدەراتسييالارىن جاڭا بەلەستەرگە باستايدى دەپ سەنٸم ارتامىز. قۇرىلتايدا ايتىلعان ۇسىنىس-پٸكٸرلەر جەردە قالماي جٷزەگە اسۋىنا تٸلەكشٸمٸز. قازاق سپورت جەنە تۋريزم اكادەميياسىنىڭ جانىنان اشىلعان ديرەكتسييا ۇسىنىستاردى قۇزىرلى ورىندارعا جەتكٸزۋ ارقىلى وسى باعىتتا جۇمىستاناتىن بولدى. اسىق اتۋ سپورتىنىڭ نەگٸزٸن قالاۋشى جومارت سابىرجانۇلى اعامىز جيىنعا قاتىسۋشىلارعا اق باتاسىن بەرسە, "سپورت جۇلدىزدارى" جۋرنالىنىڭ باس رەداكتورى, قازاق سپورت جەنە تۋريزم اكادەميياسىنىڭ قۇرمەتتٸ پروفەسسورى, قازاق جۋرناليستيكاسى مەن اسىق اتۋ سپورتىنىڭ قايراتكەرٸ مۋساعالي تاسقاليەۆ قۇرىلتايدى قورىتىندىلادى. وسىلايشا تۇڭعىش رەت ٶتكەن ۇلتتىق سپورت تٷرلەرٸنٸڭ قۇرىلتايى ٶز مەرەسٸنە جەتٸپ, الداعى ۋاقىتتا تاعى باس قوساتىن بولىپ تارقاستى.
جاندوس ايانبەك
پەداگوگيكا عىلىمدارىنىڭ ماگيسترٸ,
«سج»
