ۆاشينگتوندا بەيبىتشىلىك كەڭەسىنىڭ يناۋگۋراسيالىق وتىرىسى ءوتتى. جيىنعا قازاقستان پرەزيدەنتى قاسىم-جومارت توقايەۆ قاتىستى، دەپ حابارلايدى Dalanews.kz اقورداعا سىلتەمە جاساپ.
وتىرىستا ءسوز سويلەگەن اقش پرەزيدەنتى دونالد ترامپ العاشقى جيىنعا قاتىسۋشىلارعا تۇراقتىلىقتى قامتاماسىز ەتۋ جانە گازانى قالپىنا كەلتىرۋ ىسىندەگى ۇجىمدىق كۇش-جىگەرى ءۇشىن العىس ءبىلدىردى. مەملەكەتتەر باسشىلارىن تانىستىرا وتىرىپ، ول قازاقستاندى «كەرەمەت ءارى باي ەل» دەپ اتاپ ءوتتى.
سونىمەن قاتار، اقش كوشباسشىسى سامميتكە قاتىسۋشى ەلدەر باسشىلارىن جاھاندىق دەڭگەيدەگى ناعىز ليدەرلەر رەتىندە سيپاتتاپ، ولاردىڭ باتىل شەشىمدەرى حالىقارالىق ديالوگ پەن بەيبىتشىلىكتى نىعايتۋعا ەلەۋلى ۇلەس قوسىپ وتىرعانىن ايتتى.
ەسكە سالايىق، قاڭتار ايىندا قاسىم-جومارت توقايەۆ Donald Trump باستاماسىمەن قۇرىلعان بەيبىتشىلىك كەڭەسىنىڭ جارعىسىنا قول قويعان بولاتىن. بۇعان دەيىن قازاقستان پرەزيدەنتى كەڭەس قۇرامىنا كىرۋگە رەسمي شاقىرتۋ العان ەدى. قازاقستانعا قۇرىلتايشى مەملەكەتتەردىڭ ءبىرى بولۋ ۇسىنىلعان.
ۆاشينگتوننىڭ باستاماسىمەن قۇرىلعان بەيبىتشىلىك كەڭەسى گازاداعى بەيبىت دامۋعا قاتىستى مىندەتتەمەلەردىڭ ورىندالۋىن قاداعالاپ، حالىقارالىق رەسۋرستاردى جۇمىلدىرۋ جانە ستراتەگيالىق باقىلاۋ جۇرگىزۋمەن اينالىسپاق.
