تارباعاتاي اۋدانىنىڭ ورتالىعى – اقجار اۋىلىندا زاماناۋي دەنە شىنىقتىرۋ-ساۋىقتىرۋ كەشەنٸ پايدالانۋعا بەرٸلدٸ. «اۋىل – ەل بەسٸگٸ» مەملەكەتتٸك باعدارلاماسى اياسىندا سالىنعان نىسان اۋىل تۇرعىندارىن ساپالى سپورت ينفراقۇرىلىمىمەن قامتىپ, بۇقارالىق سپورتتى دامىتۋعا باعىتتالعان, دەپ حابارلايدى dalanews.kz.
بۇل – سوڭعى ۋاقىتتا تارباعاتاي اۋدانىندا ەل يگٸلٸگٸنە بەرٸلگەن ەكٸنشٸ ٸرٸ سپورت نىسانى. جالپى اۋماعى 1284,20 شارشى مەتردٸ قۇرايتىن كەشەن بٸر اۋىسىمدا 47 ادامدى قابىلداي الادى. مۇندا باسكەتبول, ۆولەيبول, شاعىن فۋتبول, تەننيس, بادمينتون, بوكس, قازاق كٷرەسٸ جەنە اۋىر اتلەتيكامەن اينالىسۋعا بارلىق مٷمكٸندٸك جاسالعان.
سپورت زالدارى قاجەتتٸ قۇرال-جابدىقتارمەن تولىق جابدىقتالعان. سونىمەن قاتار, عيماراتتا جۋىنۋ جەنە كيٸم اۋىستىرۋ بٶلمەلەرٸ, دەرٸگەر كابينەتٸ, جاتتىقتىرۋشىلارعا ارنالعان ارنايى بٶلمەلەر قاراستىرىلعان.
جاڭا سپورت كەشەنٸنٸڭ اشىلۋ سالتاناتىنا قاتىسقان شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ ٶڭٸردە بۇقارالىق سپورتتى دامىتۋ باعىتىنداعى جۇمىستار جٷيەلٸ تٷردە جالعاسىپ جاتقانىن ايتتى.
– قۇرمەتتٸ قوناقتار, ارداقتى سپورت ارداگەرلەرٸ, جاستار! ەڭ بٸرٸنشٸ بايلىق – دەنساۋلىق. ال دەنساۋلىقتىڭ باستى كەپٸلٸ – سپورت. بٷگٸندە شىعىس قازاقستان وبلىسىنىڭ ەلەۋمەتتٸك-ەكونوميكالىق كٶرسەتكٸشتەرٸ تۇراقتى ٶسٸپ كەلەدٸ. بۇل – مەملەكەتتٸك جەنە ٶڭٸرلٸك باعدارلامالاردىڭ تيٸمدٸ جٷزەگە اسىرىلۋىنىڭ, سونداي-اق ەڭبەكقور, بٸرلٸگٸ جاراسقان حالىقتىڭ قاجىرلى ەڭبەگٸنٸڭ نەتيجەسٸ.
وسىنداي جەتٸستٸكتەردٸڭ نەگٸزٸندە مىقتى دەنساۋلىق تۇرۋى كەرەك. سوندىقتان مەملەكەت باسشىسى قاسىم-جومارت توقاەۆتىڭ بۇقارالىق سپورتتى دامىتۋ جٶنٸندەگٸ تاپسىرماسى اياسىندا وبلىستا اۋقىمدى جۇمىستار اتقارىلىپ كەلەدٸ. قازٸرگٸ تاڭدا وبلىس تۇرعىندارىنىڭ 45 پايىزى دەنە شىنىقتىرۋمەن جەنە سپورتپەن تۇراقتى اينالىسادى. بٷگٸن اشىلىپ وتىرعان كەشەن – سول جۇمىستىڭ ناقتى نەتيجەسٸ. وسى قۋانىشتى كٷنمەن بارشاڭىزدى شىن جٷرەكتەن قۇتتىقتايمىن! – دەدٸ وبلىس ەكٸمٸ.
ايماق باسشىسى جاستارعا ارنايى ٷندەۋ جاساپ, سپورت پەن بٸلٸمدٸ قاتار الىپ جٷرۋدٸڭ ماڭىزىن اتاپ ٶتتٸ.
– مۇندا بولاشاق چەمپيوندارىمىز وتىر. سٸزدەرگە ايتارىم – ەرٸنبەي, تالماي سپورتپەن شۇعىلدانىڭىزدار. بٸراق ەڭ الدىمەن ساباقتى ۇمىتپاڭىزدار. «دەنٸ ساۋدىڭ – جانى ساۋ» دەيدٸ حالقىمىز. سٸزدەر ەل ماقتان تۇتار ازامات بولىپ ٶسۋلەرٸڭٸز كەرەك.
بٷگٸندە وبلىستىڭ قىزدار جەنە ۇلدار ۆولەيبول كوماندالارى جوعارى ليگادا تابىستى ٶنەر كٶرسەتٸپ جٷر. شىعىس قازاقستان – حوككەيدٸڭ التىن بەسٸگٸ. فۋتبولدان دا 13 جىلدان كەيٸن پرەمەر-ليگاعا جولداما العان «التاي» كومانداسى جاقسى نەتيجەلەر كٶرسەتۋدە.
ال تارباعاتاي دەسە, ەڭ الدىمەن ۆولەيبولشىلاردىڭ جەڭٸسٸ ەسكە تٷسەدٸ. سوندىقتان بٷگٸن اشىلعان بۇل كەشەننەن تەك ۆولەيبول عانا ەمەس, ٶزگە دە سپورت تٷرلەرٸنەن اۋداننىڭ اتىن شىعاراتىن دارىندى سپورتشىلار ٶسٸپ شىعادى دەپ سەنەمٸن. بالالارىمىز جٷزدەن جٷيرٸك, مىڭنان تۇلپار اتانسىن! – دەدٸ نۇرىمبەت ساقتاعانوۆ.
اۋىل اقساقالى قۇرمانتاي نٷسٸپۇلى اق باتاسىن بەرٸپ, ودان كەيٸن سپورت كەشەنٸنٸڭ لەنتاسى سالتاناتتى تٷردە قيىلدى.
ساپار بارىسىندا وبلىس ەكٸمٸ سپورت نىسانى ۇجىمىنا جاڭا شاعىن اۆتوبۋستىڭ كٸلتٸن تابىس ەتتٸ. سونداي-اق, كەشەننٸڭ ترەناجەر, بوكس جەنە سپورت زالدارىن ارالاپ كٶرٸپ, جاس سپورتشىلارمەن كەزدەستٸ. اۋدان جاستارىنا باسكەتبول, ۆولەيبول جەنە فۋتبول دوپتارى سىيعا بەرٸلدٸ.
ٶڭٸر باسشىسى اۋىلدىق اۋماقتارداعى ەلەۋمەتتٸك ينفراقۇرىلىمدى دامىتۋ جۇمىستارى الداعى ۋاقىتتا دا جالعاساتىنىن جەتكٸزدٸ.
