Belgili jattyqtyrýshy Elena Krýglyhina qazaqstandyq mánerlep syrǵanaýshy Mihail Shaidorovtyń ainalasynda týyndaǵan daýly jaǵdaiǵa qatysty pikir bildirdi, dep habarlaidy dalanews.kz.
Ol áleýmettik jelidegi jazbasynda Mihail Shaidorovtyń tarihi jetistigin eshkim joqqa shyǵarmaitynyn atap ótti. Jattyqtyrýshynyń aitýynsha, sportshy Qazaqstanǵa altyn medal ákelip, el mereiin ósirdi.
«Mihail Shaidorov – úlken eńbekpen jetistikke jetken talantty sportshy. Onyń altyn medalin eshkim qunsyzdandyryp otyrǵan joq. Ol Qazaqstanǵa altyn alyp keldi, bul – úlken jetistik», – dedi Elena Krýglyhina.
Sonymen qatar ol sporttaǵy jeńistiń artynda tek bir adamnyń emes, úlken komandanyń eńbegi turatynyn aitty.
«Medaldyń artynda tek bir adam turmaidy. Bul jetistikke osy salada eńbek etip júrgen kóptegen adamdar úles qosady. Olardyń eńbegin de umytpaý kerek», – dedi jattyqtyrýshy.
Krýglyhina sońǵy ýaqytta qoǵamda qyzý talqylanyp jatqan jaǵdaiǵa bailanysty ózine kóptegen jaǵymsyz pikirler jazylǵanyn da jasyrmady. Degenmen ol máseleniń mánin sport salasyn jaqsy biletin adamdar túsinetinin atap ótti.
Eske salaiyq, buǵan deiin jattyqtyrýshy Mihail Shaidorovqa arnap jazba jariialaǵan bolatyn.
«Misha, sen shekten shyǵyp bara jatyrsyń nemese bireýler seni paidalanyp otyr. Sen 2026 jyldyń 22 aqpanyna deiin qysqy sport túrleriniń barlyq ókilderi sekildi kelisimshartqa qol qoiǵansyń. Bul jerde federatsiia tarapynan kelisimshartty ýaqytynda uzartpaý qateligi bar. Biraq seniń agentteriń, menedjerleriń bar emes pe? Nege bul máselemen ainalyspady? Jurt bizdiń júieni túsinbegendikten, ministrlik yńǵaisyz jaǵdaiǵa qalyp otyr», – dep jazdy Elena Krýglyhina.
