Belgili ánshi Toqtar Serik bala tárbiesine qatysty ustanymyn aityp, qazirgi kezeńde ata-ananyń jaýapkershiligi burynǵydan da artqanyn jetkizdi, dep habarlaidy dalanews.kz.
Óner iesiniń sózinshe, ol balalarynyń júris-turysy men kúndelikti ádetterin únemi baqylaýda ustaýǵa tyrysady. Ánshi muny senimsizdik emes, qaýiptiń aldyn alý dep túsindiredi.
"Balalarymnyń qaltasyn jii tekseremin. Sebebi qorqamyn. Bir ziiandy zat, temeki nemese basqa nárse shyǵyp qalsa she? Qazir zaman ońai emes. Balany baqylaý – ár ata-ananyń basty mindeti", – dedi Toqtar Serik.
Sondai-aq ánshi balalaryna bóten adamdardan eshteńe almaýdy, kóshede de, internette de saq bolýdy únemi eskertip otyratynyn aitty. Onyń aitýynsha, qazirgi zamanda bala tárbiesi tek aqyl aitýmen shektelmei, turaqty nazar men baqylaýdy qajet etedi.
Toqtar Seriktiń jary Beibit Seidýalieva da joldasynyń bul ustanymyn qoldaitynyn jetkizdi.
