Astanada Joǵary Eýraziialyq ekonomikalyq keńestiń kezekti otyrysy ótip jatyr, dep habarlaidy dalanews.kz.
Aqordanyń málimetinshe, sharaǵa qatysý úshin Resei Federatsiiasynyń Prezidenti Vladimir Pýtin, Qyrǵyz Respýblikasynyń Prezidenti Sadyr Japarov, Belarýs Respýblikasynyń Prezidenti Aleksandr Lýkashenko jáne Armeniia Respýblikasynyń Vitse-premeri Mger Grigorian Táýelsizdik saraiyna keldi.
Mártebeli meimandardy Qazaqstan Prezidenti Qasym-Jomart Toqaev qarsy aldy.
Joǵary Eýraziialyq ekonomikalyq keńes – Eýraziialyq ekonomikalyq odaqtyń joǵarǵy organy. Keńes otyrysynda uiymǵa múshe memleketter arasyndaǵy saýda-ekonomikalyq yntymaqtastyqty damytý, integratsiialyq úderisterdi tereńdetý jáne ózara is-qimyldyń ózekti máseleleri talqylanady dep kútilýde.
Otyrys qorytyndysy boiynsha birqatar sheshimder qabyldanýy múmkin.
