Qazaqstan qor birjasynda (KASE) 11 jeltoqsanda saǵat 15:30-da shetel valiýtalary boiynsha kúndizgi saýda-sattyq jabyldy. Onyń qorytyndysy boiynsha ulttyq valiýtaǵa shaqqanda 1 AQSh dollarynyń ortasha baǵamy birden 8,43 teńgege qymbattap, 516,93 teńgeni qurady, dep jazady Dalanews.kz.
Kúni keshe KASE-de dollar quny áli tómendep jatqanyn súiinshilep jazyp edik. 10 jeltoqsanda 1 AQSh dollarynyń tańerteńgi resmi baǵamy 510,08 teńge bolsa, al keshki sessiiada ol 1,50 teńgege taǵy arzandap, 508,05 teńge deńgeiinde qalyptasqan bolatyn.
Degenmen aqsha aiyrbas oryndarynda jańa kýpiýraǵa bailanysty másele týyndaǵanyn da jazǵan edik.
"Birneshe kún boldy, dollar satyp ala almai júrmin. Aqsha aiyrbas oryndarynda dollar joq emes, bar, biraq kóbisi eski 100 dollarlyqtardy usynady. Al men ushyp bara jatqan elde eskini qabyldamaidy nemese arzanǵa alady, bul ózi ǵalamdyq qubylys…", dep jazdy ekonomist Oljas Baidildinov 10 jeltoqsanda Telegram-daǵy arnasynda.
Sóitken ol bul másele sheshimine quzyrly organdardyń nazaryn aýdartady.
