قازاقستان قور بيرجاسىندا (KASE) 11 جەلتوقساندا ساعات 15:30-دا شەتەل ۆاليۋتالارى بويىنشا كٷندٸزگٸ ساۋدا-ساتتىق جابىلدى. ونىڭ قورىتىندىسى بويىنشا ۇلتتىق ۆاليۋتاعا شاققاندا 1 اقش دوللارىنىڭ ورتاشا باعامى بٸردەن 8,43 تەڭگەگە قىمباتتاپ, 516,93 تەڭگەنٸ قۇرادى, دەپ جازادى Dalanews.kz.
كٷنٸ كەشە KASE-دە دوللار قۇنى ەلٸ تٶمەندەپ جاتقانىن سٷيٸنشٸلەپ جازىپ ەدٸك. 10 جەلتوقساندا 1 اقش دوللارىنىڭ تاڭەرتەڭگٸ رەسمي باعامى 510,08 تەڭگە بولسا, ال كەشكٸ سەسسييادا ول 1,50 تەڭگەگە تاعى ارزانداپ, 508,05 تەڭگە دەڭگەيٸندە قالىپتاسقان بولاتىن.
دەگەنمەن اقشا ايىرباس ورىندارىندا جاڭا كۋپيۋراعا بايلانىستى مەسەلە تۋىنداعانىن دا جازعان ەدٸك.
"بٸرنەشە كٷن بولدى, دوللار ساتىپ الا الماي جٷرمٸن. اقشا ايىرباس ورىندارىندا دوللار جوق ەمەس, بار, بٸراق كٶبٸسٸ ەسكٸ 100 دوللارلىقتاردى ۇسىنادى. ال مەن ۇشىپ بارا جاتقان ەلدە ەسكٸنٸ قابىلدامايدى نەمەسە ارزانعا الادى, بۇل ٶزٸ عالامدىق قۇبىلىس…", دەپ جازدى ەكونوميست ولجاس بايدٸلدينوۆ 10 جەلتوقساندا Telegram-داعى ارناسىندا.
سٶيتكەن ول بۇل مەسەلە شەشٸمٸنە قۇزىرلى ورگانداردىڭ نازارىن اۋدارتادى.
