مەملەكەت باسشىسىنىڭ تاپسىرمالارىن ٸسكە اسىرۋ اياسىندا پرەمەر-مينيستردٸڭ بٸرٸنشٸ ورىنباسارى نۇرلىبەك نەلٸباەۆ قاراعاندى وبلىسىنا جۇمىس ساپارىمەن بارىپ, ٶڭٸردەگٸ ٸرٸ يندۋسترييالىق جەنە ەنەرگەتيكالىق جوبالاردىڭ دامۋىمەن تانىستى. ساپار بارىسىندا ٶنەركەسٸپ كەسٸپورىندارىن جاڭعىرتۋعا, الداعى جىلىتۋ ماۋسىمىنا دايىندىققا, جىلۋ ەنەرگەتيكاسىن دامىتۋ مەن گازداندىرۋ مەسەلەلەرٸنە باسا نازار اۋدارىلدى, دەپ حابارلايدى dalanews.kz.
تەمٸرتاۋدا پرەمەر-مينيستردٸڭ بٸرٸنشٸ ورىنباسارى Qarmet مەتاللۋرگييالىق كومبيناتىندا بولىپ, ٶندٸرٸستٸك پروتسەستەرمەن جەنە كەسٸپورىندى جاڭعىرتۋ باعدارلاماسىمەن تانىستى.
"دومنا پەشتەرٸن تابيعي گازعا كٶشٸرۋ مازۋت قولدانۋدان تولىق باس تارتۋعا مٷمكٸندٸك بەردٸ. بۇل اگرەگاتتاردىڭ تۇراقتى جۇمىسىن قامتاماسىز ەتٸپ, قورشاعان ورتاعا ەسەردٸ ازايتتى", – دەدٸ Qarmet Corporation باسقارما تٶراعاسى پەتر ترۋشين.
سونداي-اق نۇرلىبەك نەلٸباەۆقا كومبيناتتاعى جاڭا ٶندٸرٸستٸك نىساندار قۇرىلىسىنىڭ بارىسى باياندالدى.
2025 جىلدىڭ قورىتىندىسى بويىنشا كەسٸپورىن 3,8 ميلليون توننا بولات ٶندٸرگەن. «5–9–5» ستراتەگيياسى اياسىندا كومپانييا 2028 جىلعا قاراي بولات ٶندٸرٸسٸن 5 ميلليون تونناعا, كٶمٸر ٶندٸرٸسٸن 9 ميلليون تونناعا جەنە تەمٸر كەنٸ كونتسەنتراتىن 5 ميلليون تونناعا دەيٸن ارتتىرۋدى جوسپارلاپ وتىر.
ساپاردىڭ جەكە بٸر بٶلٸگٸ 2026–2027 جىلدارداعى جىلىتۋ ماۋسىمىنا دايىندىق پەن تەمٸرتاۋ جەنە قاراعاندى قالالارىنىڭ ەنەرگەتيكالىق ينفراقۇرىلىمىن جاڭعىرتۋ مەسەلەلەرٸنە ارنالدى.
"الداعى جىلىتۋ ماۋسىمىندا ەشقانداي مەسەلە بولماۋى كەرەك. 1 قىركٷيەككە دەيٸن بارلىق نىسان دايىندىق پاسپورتتارىن الۋى تيٸس. جىلىتۋ ماۋسىمى كەزٸندە ەشقانداي ٸركٸلٸسكە جول بەرۋگە بولمايدى", – دەپ اتاپ ٶتتٸ نۇرلىبەك نەلٸباەۆ.
ۆيتسە-پرەمەر سونداي-اق قاراعاندى جەو-3-تەگٸ جٶندەۋ جۇمىستارىنىڭ بارىسىمەن جەنە ستانتسييانى كەڭەيتۋ جوباسىمەن تانىستى. جاڭا ەنەرگوبلوك ەلەكتر قۋاتىن 140 مۆت-قا, ال جىلۋ قۋاتىن 180 گكال/ساعاتقا ارتتىرۋعا مٷمكٸندٸك بەرەدٸ.
"جەو-3-تٸ كەڭەيتۋ – ٶڭٸردەگٸ ەڭ ٸرٸ ينفراقۇرىلىمدىق جوبالاردىڭ بٸرٸ. جوبا اياقتالعاننان كەيٸن قوسىمشا قۋات رەزەرۆٸ قۇرىلىپ, 400-دەن استام تۇرعىن ٷي مەن ەلەۋمەتتٸك نىسان جىلۋمەن قامتاماسىز ەتٸلەدٸ", – دەدٸ «قاراعاندى ەنەرگوتسەنتر» جشس باس ديرەكتورى فليۋر گاريپوۆ.
ساپار بارىسىندا قاراعاندىنى گازداندىرۋ مەسەلەلەرٸ دە قارالدى. بيىل جوبانىڭ بٸرٸنشٸ كەزەڭٸن اياقتاۋ جوسپارلانىپ وتىر.
"بٸرٸنشٸ كەزەڭ اياسىندا 10 مىڭنان استام ابونەنتكە گاز جەتكٸزٸلەدٸ. وسى جۇمىستار اياقتالعان سوڭ پريشاحتينسك, مايقۇدىق جەنە سورتيروۆكا اۋداندارىن قامتيتىن ەكٸنشٸ كەزەڭگە كٶشەمٸز", – دەپ باياندادى قاراعاندى ەكٸمٸ مەيرام قوجۋحوۆ.
ٶڭٸردٸڭ يندۋسترييالىق دامۋى اياسىندا نۇرلىبەك نەلٸباەۆ ٶڭدەۋ ٶنەركەسٸبٸندەگٸ بٸرقاتار كەسٸپورىنعا باردى.
تەمپو قازاقستان زاۋىتىندا وعان بولاتتان تٸك تٸگٸستٸ قۇبىر شىعاراتىن جاڭا ٶندٸرٸستٸك جەلٸ تانىستىرىلدى. ديامەترٸ 630 مم بولاتىن قۇبىرلاردى ارنايى كٷيدٸرۋ جەنە شىنىقتىرۋ تەحنولوگيياسى ٶنٸمدٸ −60-تان +60 گرادۋسقا دەيٸنگٸ تەمپەراتۋرادا پايدالانۋعا مٷمكٸندٸك بەرەدٸ. قازاقستاندا مۇنداي ٶندٸرٸستٸڭ بالاماسى جوق.
Silk Road Electronics كەسٸپورنىندا ۆيتسە-پرەمەر تۇرمىستىق تەحنيكا ٶندٸرٸسٸمەن جەنە لوكاليزاتسييا باعدارلاماسىمەن تانىستى. بٷگٸندە زاۋىتتا كٸر جۋعىش ماشينالار, شاڭسورعىشتار, بويلەرلەر, اسٷي پليتالارى, تەلەديدارلار مەن سورعىشتار شىعارىلادى.
"قازٸر كەسٸپورىندا شامامەن 300 ادام جۇمىس ٸستەيدٸ. كەسٸپورىن تولىق قۋاتىندا ٸسكە قوسىلعاننان كەيٸن جىلىنا 1 ميلليون دانا ٶنٸم ٶندٸرٸلٸپ, قىزمەتكەرلەر سانى 800 ادامعا دەيٸن ارتادى", – دەدٸ كومپانييانىڭ وپەراتسييالىق ديرەكتورى تالعات ەبدٸراحمانوۆ.
سونداي-اق پرەمەر-مينيستردٸڭ بٸرٸنشٸ ورىنباسارى QazTehna جەنە Tengri Tyres كەسٸپورىندارىندا بولىپ, اۆتوبۋس, ارنايى تەحنيكا جەنە اۆتوكٶلٸك شينالارىن ٶندٸرۋ جۇمىستارىمەن جەنە ٶندٸرٸستٸك قۋاتتى كەڭەيتۋ جوسپارلارىمەن تانىستى.
"مەملەكەت باسشىسى مەن ٷكٸمەتتٸڭ تاپسىرماسى بويىنشا بٸز ٶڭٸرلەردٸ ارالاپ جٷرمٸز. قاراعاندى وبلىسىندا كٶپتەگەن ماڭىزدى جوبا جٷزەگە اسىرىلىپ جاتىر, جٷزدەگەن ادام ەڭبەك ەتەتٸن ٸرٸ ٶندٸرٸس ورىندارى جۇمىس ٸستەيدٸ. بٸز كەسٸپورىنداردىڭ تولىققاندى ٶندٸرٸس جولعا قويىپ, ەرٸ قاراي دامۋدى جوسپارلاپ وتىرعانىن كٶردٸك", – دەدٸ نۇرلىبەك نەلٸباەۆ.
جۇمىس ساپارىنىڭ قورىتىندىسى بويىنشا ۆيتسە-پرەمەر ٶنەركەسٸپ پەن ەنەرگەتيكا سالاسىنداعى جوبالاردى ٸسكە اسىرۋ قاراعاندى وبلىسىن دامىتۋدىڭ ماڭىزدى فاكتورلارىنىڭ بٸرٸ بولىپ قالا بەرەتٸنٸن اتاپ ٶتتٸ.
