شىعىس قازاقستان وبلىسىندا پايدالانىلماي جاتقان اۋىل شارۋاشىلىعى جەرلەرٸ مەملەكەت مەنشٸگٸنە قايتارىلدى, دەپ حابارلايدى dalanews.kz.
باس پروكۋراتۋرا مەلٸمەتٸنشە, پروكۋرورلىق قاداعالاۋ اكتٸسٸ نەگٸزٸندە جالپى اۋماعى 2092,6 گەكتار بولاتىن جەر ۋچاسكەلەرٸ مەملەكەتكە قايتارىلعان.
قايتارىلعان مٷلٸكتٸڭ كاداسترلىق قۇنى 17,7 ملن تەڭگەنٸ قۇرادى.
كاتونقاراعاي اۋداندىق پروكۋراتۋراسى زاڭ بۇزۋشىلىقتاردى جەر زاڭناماسىنىڭ ساقتالۋىنا جٷرگٸزٸلگەن تالداۋ بارىسىندا انىقتاعان.
تەكسەرۋ نەتيجەسٸندە شارۋا نەمەسە فەرمەر قوجالىعىن جٷرگٸزۋگە بەرٸلگەن جەرلەردٸ جالعا الۋشىلار ۋچاسكەلەردٸ بٸر جىل بويى ماقساتتى تٷردە پايدالانباعانى بەلگٸلٸ بولعان.
پروكۋراتۋرا مەلٸمەتٸنشە, اۋىل شارۋاشىلىعى جەرلەرٸن تيٸمدٸ ەرٸ نىسانالى پايدالانۋ مەسەلەسٸ ەرەكشە باقىلاۋدا تۇر.
قاداعالاۋ ورگانى جەر رەسۋرستارىن زاڭ تالاپتارىنا ساي پايدالانۋ باعىتىنداعى جۇمىستار جالعاساتىنىن اتاپ ٶتتٸ.
