الماتىداعى DoubleTree by Hilton قوناقٷيٸ تٶڭٸرەگٸندە تاعى دا ٷلكەن داۋ شىقتى. بۇل جولى مەسەلە تەك قوناقٷيدٸڭ ٶزٸنە ەمەس, ونى مەملەكەت مەنشٸگٸنە ٶتكٸزۋ كەزٸندە بولۋى مٷمكٸن زاڭسىزدىقتارعا بايلانىستى بولىپ وتىر, دەپ حابارلايدى dalanews.kz.
Exclusive.kz باسىلىمىنىڭ مەلٸمەتٸنشە, وقيعا بٸرنەشە جىلدان بەرٸ جالعاسىپ كەلەدٸ. قوناقٷيدٸڭ زاڭدى يەسٸ سانالاتىن الماتىلىق كەسٸپكەر شولپان قارانەەۆا نىساننىڭ ٶزٸنەن زاڭسىز تارتىپ الىنعانىن ايتىپ, قۇقىعىن قايتارۋعا ەرەكەتتەنٸپ جٷر.
ٸستٸڭ مەن-جايىنا سٷيەنسەك, كەسٸپكەر DoubleTree by Hilton Almaty قوناقٷيٸن بانك نەسيەسٸنە سالىپ, Hilton فرانشيزاسىن ساتىپ العان. الايدا پاندەمييا كەزٸندە قوناقٷي جۇمىسى توقتاپ, قارجىلىق قيىندىقتار باستالعان. كەيٸن Capital Bank ليتسەنزيياسىنان ايىرىلىپ, قارىزداردى ٶندٸرۋ پروتسەسٸنە كوللەكتورلىق اگەنتتٸك ارالاسقان.
وسىدان كەيٸن قوناقٷيدٸڭ تاعدىرى كٷرت ٶزگەرگەن. باسىلىم دەرەگٸنشە, قۇنى 9 ميلليارد تەڭگەدەن اساتىن نىسان ەلدەقايدا ارزان باعاعا ساتىلىپ كەتكەن. كەيٸن ول قايرات ساتىبالدىعا قاتىسى بار كومپانييالاردىڭ باقىلاۋىنا ٶتكەن.
ماتەريالدا كوللەكتورلىق اگەنتتٸك قوناقٷي مٷلكٸن ٶتە تٶمەن باعالاپ, كەيٸن Baidala V كومپانيياسىنا ٶتكٸزگەنٸ ايتىلادى. ال بۇل كومپانييا كەيٸن نىساندى قايرات ساتىبالدىنىڭ يەلٸگٸنە رەسٸمدەگەن. بۇدان سوڭ قوناقٷي مەملەكەتكە “قايتارىلعان اكتيۆتەردٸڭ” قاتارىنا ەنگەن.
الايدا كەسٸپكەر شولپان كارانەەۆا مەن ونىڭ ادۆوكاتتارى بۇل پروتسەستٸڭ بەرٸ زاڭسىز جٷرگەنٸن ايتىپ وتىر. ولار قوناقٷي رەيدەرلٸك جولمەن تارتىپ الىنعان دەپ سانايدى. وسىعان بايلانىستى قىلمىستىق ٸس تە قوزعالعان. بٸراق 11 اي بويى تەرگەلگەن ٸس كەيٸن كٷتپەگەن جەردەن توقتاتىلعان.
باسىلىم تاعى بٸر داۋلى جايتقا نازار اۋدارادى. مەلٸمەتكە سەيكەس, قوناقٷي مٷلكٸن باعالاعان ساراپشى بٸرنەشە كٷن ٸشٸندە 400 بەتتەن تۇراتىن ەسەپ دايىنداعان. سونىمەن قاتار, نىساننىڭ توزۋ دەڭگەيٸ ناقتى قۇجاتسىز, “كٶزبەن شامالاپ” انىقتالعانى ايتىلعان.
ماتەريالدا “زانگەر” كوللەكتورلىق اگەنتتٸگٸنٸڭ ەرەكەتتەرٸ دە كٷمەن تۋدىراتىنى جازىلعان. استانا سوتى كەيٸن بۇل اگەنتتٸكتەن مەملەكەت پايداسىنا 4,2 ميلليارد تەڭگەدەن استام قارجى ٶندٸرۋ تۋرالى شەشٸم شىعارعان. سوعان قاراماستان, قوناقٷيدٸڭ قالاي جەنە قانداي جاعدايدا ساتىلعانىنا قاتىستى سۇراقتار ەلٸ دە جاۋاپسىز قالىپ وتىر.
داۋدىڭ تاعى بٸر تۇسى – Hilton برەندٸنە بايلانىستى. كەسٸپكەردٸڭ ادۆوكاتتارى حالىقارالىق Hilton اتاۋىن پايدالانۋ قۇقىعى ەلٸ دە زاڭدى فرانشيزا يەسٸندە قالعانىن ايتادى. ولاردىڭ سٶزٸنشە, قوناقٷي مەملەكەتكە برەندپەن بٸرگە بەرٸلگەندەي كٶرسەتٸلگەنٸمەن, مۇنداي قۇقىقتى ەشكٸم زاڭدى تٷردە ٶتكٸزە الماعان.
Exclusive.kz بۇل وقيعانى “ەسكٸ قازاقستاننىڭ” ەدٸستەرٸ ەلٸ دە جويىلماعانىنىڭ كٶرٸنٸسٸ دەپ باعالايدى. باسىلىمنىڭ جازۋىنشا, بيزنەسكە قىسىم كٶرسەتۋ, مٷلٸكتٸ كٷمەندٸ جولمەن قايتا بٶلۋ جەنە قىلمىستىق ٸستەردٸڭ اياقسىز قالۋى قوعامدا كٶپتەگەن سۇراق تۋعىزىپ وتىر.
