BCC Invest makroekonomikalyq boljammen bólisti. Qarjy institýty mamyr aiyna arnalǵan boljamdaryn aqsha aiyrbas bóligine qatysty qaita qarastyryp, jańartqandaryn aitty, dep habarlaidy Dalanews.kz.
"Buǵan deiin, 2025 jylǵy 7 sáýirde biz 2025 jylǵy sáýirde ulttyq valiýtaǵa shaqqanda 1 AQSh dollarynyń ortasha baǵamy 514,4 teńge deńgeiinde qalyptasady dep boljadyq. Rasynda, 2025 jyldyń sáýir aiynyń qorytyndysy boiynsha 1 AQSh dollarynyń naqty ortasha aiyrbas baǵamy 514,5 teńge deńgeiinde qalyptasty. Syrtqy ekonomikalyq jaǵdailar joǵary qubylmalylyqqa ushyraǵandyqtan, biz 2025 jylǵa arnalǵan aiyrbas baǵamy boiynsha boljamdy qaita jańarttyq. Jańartylǵan boljamǵa sáikes, Brent markaly munai baǵasynyń tómen bolýyna bailanysty alda ulttyq valiýtanyń birtindep álsireýi jalǵasady dep kútiledi. Jyl sońyna qarai ulttyq valiýtaǵa shaqqandaǵy 1 AQSh dollarynyń ortasha baǵamy 546,5 teńge deńgeiine jetedi dep kútiledi", delingen qarjy institýty usynǵan taldaýda.
Tómende BCC Invest-tiń aqsha baǵamyna qatysty jańartylǵan kestesi usynylǵan:
| № | Stsenariler | 25 qańtar | 25 aqpan | 25 naýryz | 25 saýir | 25 mamyr |
| I | Optimistik | 517,8 | 516,8 | 515,5 | 480,4 | 492,6 |
| II | Bazalyq | 521,4 | 522,4 | 523,8 | 497,4 | 509,7 |
| III | Pessimistik | 525,1 | 528,1 | 532,1 | 514,4 | 526,7 |
| IV | Aiyrbas baǵamy | 524,9 | 506,2 | 499,4 | 514,5 | 512,6 |
| V | Aýytqý/% | -0,05 | -2,0 | -3 | 0,01 | 0,6 |
