BCC Invest ماكروەكونوميكالىق بولجاممەن ءبولىستى. قارجى ينستيتۋتى مامىر ايىنا ارنالعان بولجامدارىن اقشا ايىرباس بولىگىنە قاتىستى قايتا قاراستىرىپ، جاڭارتقاندارىن ايتتى، دەپ حابارلايدى Dalanews.kz.
"بۇعان دەيىن، 2025 جىلعى 7 ءساۋىردە ءبىز 2025 جىلعى ساۋىردە ۇلتتىق ۆاليۋتاعا شاققاندا 1 اقش دوللارىنىڭ ورتاشا باعامى 514،4 تەڭگە دەڭگەيىندە قالىپتاسادى دەپ بولجادىق. راسىندا، 2025 جىلدىڭ ءساۋىر ايىنىڭ قورىتىندىسى بويىنشا 1 اقش دوللارىنىڭ ناقتى ورتاشا ايىرباس باعامى 514،5 تەڭگە دەڭگەيىندە قالىپتاستى. سىرتقى ەكونوميكالىق جاعدايلار جوعارى قۇبىلمالىلىققا ۇشىراعاندىقتان، ءبىز 2025 جىلعا ارنالعان ايىرباس باعامى بويىنشا بولجامدى قايتا جاڭارتتىق. جاڭارتىلعان بولجامعا سايكەس، Brent ماركالى مۇناي باعاسىنىڭ تومەن بولۋىنا بايلانىستى الدا ۇلتتىق ۆاليۋتانىڭ بىرتىندەپ السىرەۋى جالعاسادى دەپ كۇتىلەدى. جىل سوڭىنا قاراي ۇلتتىق ۆاليۋتاعا شاققانداعى 1 اقش دوللارىنىڭ ورتاشا باعامى 546،5 تەڭگە دەڭگەيىنە جەتەدى دەپ كۇتىلەدى"، دەلىنگەن قارجى ينستيتۋتى ۇسىنعان تالداۋدا.
تومەندە BCC Investء-تىڭ اقشا باعامىنا قاتىستى جاڭارتىلعان كەستەسى ۇسىنىلعان:
| № | سەناريلەر | 25 قاڭتار | 25 اقپان | 25 ناۋرىز | 25 ءساۋىر | 25 مامىر |
| I | وپتيميستىك | 517،8 | 516،8 | 515،5 | 480،4 | 492،6 |
| II | بازالىق | 521،4 | 522،4 | 523،8 | 497،4 | 509،7 |
| III | پەسسيميستىك | 525،1 | 528،1 | 532،1 | 514،4 | 526،7 |
| IV | ايىرباس باعامى | 524،9 | 506،2 | 499،4 | 514،5 | 512،6 |
| V | اۋىتقۋ/% | -0،05 | -2،0 | -3 | 0،01 | 0،6 |
