"Astana kontsert" kompaniiasynyń prodiýseri Málik Hasenov Ortalyq kommýnikatsiialar qyzmetinde ótken brifingide álemdik juldyzdardyń kontsert berýi elimizge qandai paida ákeletinin aityp berdi, dep habarlaidy Dalanews.kz.
Ol Djennifer Lopes kontsertteriniń biletteri 40 minýtta lez joq bolǵanyn eske saldy, onyń 35%-yn sheteldikter,iaǵni syrttan keletin týrister satyp alǵan.
"Al "Backstreet Boys" kontsertine keletin bolsaq, bilet baǵasy 40 myń teńgeden bastalady, sóitip sanatyna qarai qymbattai beredi. Ol arada 13 túrli sanat bar, iaǵni adamdar qaltasyndaǵy aqshasyna qarai oryn tańdaidy. Bizge biletter baǵasy qoljetimdi siiaqty. Taǵy bir másele. Árine, anshlag bolady. Sondai-aq biz alypsatarlarmen de kúresetin bolamyz, bir qolǵa tek tórt bilet bosatylatyn bolady", - dep sendiredi ol.
"Kazakh Tourism" UK" AQ-tyń Jobalardy súiemeldeý departamentiniń direktory Álisher Tursyn Astanadaǵy Djennifer Lopes kontsertinde 10 myńnan astam, Almatydaǵysyna 8 myńnan astam kórermen keledi dep kútilip otyrǵanyn jetkizdi.
"Álemdik tájiribe, ásirese Batys Eýropa turǵysynan alyp qarastyrsaq, 10 myń adamǵa arnalǵan kontsert orta eseppen shaǵyn jáne orta biznes úshin 1 million dollardan astam qosymsha tabys ákeledi", – deidi ol.
Jalpy, Málik Hasenovtyń aitýynsha, jyl qorytyndysy boiynsha osy kontsertterdi uiymdastyratyn kompaniialar toby 1 mlrd teńgeden astam somaǵa salyq tóleidi.
"Astanadaǵy kontsert boiynsha 400 mln teńgeden astam. Bul soma qaidan shyqty deisiz be? Negizinen, 65%-dan astamy - juldyz gonorarynan beirezident úshin tólenetin salyq, ol Almatydaǵy, sol sekildi Astanadaǵy kontsert úshin de tólenedi jáne tiisinshe mundai salyqty Backstreet Boys toby da tóleidi. Qazir tek shilde aiy, jyldyń ortasy ǵana, sondyqtan da alda uiymdastyrylatyn osyndai basqa is-sharalar da bolady, ol týraly keiinirek aitamyz, biraq solardyń barlyǵyn qosqanda osy kontsertterdi uiymdastyrýmen ainalysatyn kompaniialar toby jyl sońynda 1 mlrd teńgeden astam somaǵa salyq tóleidi dep boljanady", - dep atap ótti "Astana kontsert"kompaniiasynyń prodiýseri.
2025 jyldyń 1 tamyzynda amerikalyq pop-juldyz Djennifer Lopes óziniń Up All Night álemdik týry aiasynda Qazaqstanda alǵash ret óner kórsetedi. Alǵashqy kontsert elordadaǵy Astana Arena-da ótedi. Backstreet Boys alǵash ret 19 qyrkúiekte Almatyda jáne 21 qyrkúiekte Astanada óner kórsetedi.
