Almatydaǵy Djennifer Lopes kontsertine 27 myń kórermen jinaldy, al odan túsken tabys 10 mlrd teńgeni qurady, dep habarlaidy Dalanews.kz.
Aita ketsek, Almatydaǵy Ortalyq stadionda 2025 jyly 10 tamyzda Djennifer Lopestiń aýqymdy shoýy ótti.
Qala ákimdiginiń málimetinshe, oǵan 27 myń kórermen qatysty, onyń ishinde 35 elden kelgen 7 myń sheteldik qonaq boldy.
Ekonomikalyq tiimdilik te joǵary kórsetkishke jetti:
- 10 mlrd teńgeden astam ainalym;
- shamamen 600 mln teńge salyq tústi;
- kontsert kúni Almatyda sheteldik týristerdiń ózi 5 mlrd teńgeden astam aqsha qaldyrdy.
Djennifer Lopes toby kontserttiń uiymdastyrylýyn joǵary baǵalady. Ánshiniń týrynyń bas rejisseri men tehnikalyq direktory Grigorii Antropov Almatydaǵy daiyndyq jumystary barlyq qalanyń ishinde eń úzdigi bolǵanyn atap ótti.
"Mundai iri mádeni is-sharalar Almatynyń týristik tartymdylyǵyn arttyryp, qalanyń álemdik gastrolder kartasyndaǵy mańyzdy núkte retindegi mártebesin nyǵaitady", - deidi ákimdikten.
Buǵan deiin álemdik juldyzdyń Astanadaǵy shoýyna 15 myń týrist kelgeni habarlanǵan. Aldyn ala boljam boiynsha, el ekonomikasyna 6,5 mlrd teńge tabys ákelip, 400 mln teńge salyq túsýi tiis bolǵan. Sondai-aq saitymyzda "Belsendiler údere kóterildi". Almatydaǵy Djei Lonyń kontserti ótpei qalýy múmkin be?" degen material jariialanǵan.
