Depýtat Janarbek Áshimjan men Erlan Sairov Memleket basshysynyń qatysýymen ótken Ulttyq quryltai tóńireginde oiyn aitty, dep habarlaidy Dalanews.kz.
Janarbek Áshimjannyń sózinshe, Prezident Qasym-Jomart Toqaev Ulttyq quryltaida tórinde qoǵamdyq dertke ulasyp bara jatqan birqansha máseleni erekshe atap ótti. Osy oraida elimizdiń kino saiasatyna qatysty óz alańdaýshylyǵyn da bildirdi.
"Esterińizde bolsa qańtar aiynda elimizdiń kino saiasatyna qatysty Premer-ministrge arnaiy depýtattyq saýal joldaǵan edim… Úkimetimniń qulaǵy “múkisteý” bolǵandai kóringen… Esesine Preshident ulttyq maqsat-murat jolyndaǵy mańyzdy máselege qatysty salaǵa jaýapty organdarǵa. Quryltai tórinen naqty mindetter júktedi. - Taǵy bir túitkil – qazir kinoteatrda kórsetiletin filmderge qatysty qoǵamdyq syn bar. Byltyr qazaqstandyq mamandar túsirgen 94 film shyqqan, iaǵni, negizinen ózimizdiń ónim shyǵarylyp jatyr. Bul – jaqsy úrdis. Biraq biz eń aldymen sanǵa emes, sapaǵa kóńil aýdarýymyz kerek. Kórermenniń kóńilin kóterip, kúlki syilaý – bir bólek, jaǵymsyz ádetterdi nasihattaý – bir basqa.
Zorlyq-zombylyqty, qatygezdik pen qylmysty nasihattaityn filmder de paida boldy. Osy jerde bir nárseni eskergen jón. Búginde filmderdiń basym kópshiligi memlekettik tapsyryspen emes, jeke qarjyǵa túsirilýde. Kino mańyzdy ideologiialyq qural ekenin bárimiz jaqsy túsinemiz. Sondyqtan jeke qarjyǵa túsirilse de, filmdi kinoteatrǵa shyǵarmas buryn aldyn ala súzgiden ótkizý joldaryn qarastyrǵan jón", deidi depýtat.
Sonymen qatar,májilis depýtaty Erlan Sairov Prezident baiandamasynda elimizdiń kóptegen saiasi, rýhani máselelerine kóńil aýdarǵanyn atap ótti.
"Quryltaidyń jumysynyń ózi Qazaqstandaǵy saiasi reformalar nátijesi. Memleket basshysy salyq reformasynyń logikasyna toqtaldy. Qazaqstannyń Memlekettik biýdjetiniń jartysyna jýyǵy áleýmettik máselelerdi sheshýge baǵyttalǵan. Memleket áleýmettik máselelerdi sheshýdi ary qarai jalǵasa beredi. Elimizde zańdy tulǵalardyń lgotalary óte kóp. Osy jeńildikterdi azaitý qajet", deidi Sairov.
Depýtat áleýmettik jelidegi ádeptilik máselesi óte ózekti ekenin atap ótti.
"Dini teris aǵymdardyń jastardyń sana-sezimine teris áserine tiym salý qajet. Kino salasyndaǵy problemalarǵa da nazar aýdarý mańyzdy. Jaqynda "Shoqan Qashqariiaǵa sapary" mýltfilmi shyqty. Óte qajet ónim! Osyndai týyndylar kóp bolýy tiis. Qazaqstannyń soltústigindegi halqymyzdyń sanynyń azaiyp bara jatqandyǵy jasyryn emes. Bul máseleni sheshý ulttyq qaýipsizdik máselesi. "Qazaqstan Balalary" atty keshendi baǵdarlama qajet. Balalarymyzdy ulttyq dástúr negizinde tárbieleý kerek. Geosaiasi jaǵdai kúrdelenip keledi. Otanshyl, patriot balalardy tirbieleý kerek", deidi depýtat.
Erlan Sairov Qazaqstannyń ideologiia máselesi de óte ózekti ekenin atap ótti.
"Memlekettik qundylyqtardy tereń qalyptastyrý qajet. Óńirlerde teatrlardy salyp, damytýǵa basa nazar aýdarý kerek. Biyl Qazaqstannyń astanasynyń Qyzylordaǵa kóshýine bir ǵasyr boldy. Sonymen qatar ultymyzdyń "qazaq" ataýynyń resmi qaitýyna da bir ǵasyr boldy. "ShEKARALYQ AÝDANDARDY DAMYTÝ" jóninde jańa zań qabyldaý jóninde usynys jasady, Úkimet atalǵan máseleni shuǵyl sheshýi kerek dep tapsyrma berdi! Bul sheshim shekaralyq aýdandardy damytýǵa joǵary serpin beretini anyq!", deidi depýtat.
