دەپۋتات جاناربەك ءاشىمجان مەن ەرلان سايروۆ مەملەكەت باسشىسىنىڭ قاتىسۋىمەن وتكەن ۇلتتىق قۇرىلتاي توڭىرەگىندە ويىن ايتتى، دەپ حابارلايدى Dalanews.kz.
جاناربەك ءاشىمجاننىڭ سوزىنشە، پرەزيدەنت قاسىم-جومارت توقايەۆ ۇلتتىق قۇرىلتايدا تورىندە قوعامدىق دەرتكە ۇلاسىپ بارا جاتقان ءبىرقانشا ماسەلەنى ەرەكشە اتاپ ءوتتى. وسى ورايدا ەلىمىزدىڭ كينو ساياساتىنا قاتىستى ءوز الاڭداۋشىلىعىن دا ءبىلدىردى.
"ەستەرىڭىزدە بولسا قاڭتار ايىندا ەلىمىزدىڭ كينو ساياساتىنا قاتىستى پرەمەر-مينيسترگە ارنايى دەپۋتاتتىق ساۋال جولداعان ەدىم… ۇكىمەتىمنىڭ قۇلاعى “مۇكىستەۋ” بولعانداي كورىنگەن… ەسەسىنە پرەششيدەنت ۇلتتىق ماقسات-مۇرات جولىنداعى ماڭىزدى ماسەلەگە قاتىستى سالاعا جاۋاپتى ورگاندارعا. قۇرىلتاي تورىنەن ناقتى مىندەتتەر جۇكتەدى. - تاعى ءبىر تۇيتكىل – ءقازىر كينوتەاتردا كورسەتىلەتىن فيلمدەرگە قاتىستى قوعامدىق سىن بار. بىلتىر قازاقستاندىق ماماندار تۇسىرگەن 94 فيلم شىققان، ياعني، نەگىزىنەن ءوزىمىزدىڭ ءونىم شىعارىلىپ جاتىر. بۇل – جاقسى ءۇردىس. ءبىراق ءبىز ەڭ الدىمەن سانعا ەمەس، ساپاعا كوڭىل اۋدارۋىمىز كەرەك. كورەرمەننىڭ كوڭىلىن كوتەرىپ، كۇلكى سىيلاۋ – ءبىر بولەك، جاعىمسىز ادەتتەردى ناسيحاتتاۋ – ءبىر باسقا.
زورلىق-زومبىلىقتى، قاتىگەزدىك پەن قىلمىستى ناسيحاتتايتىن فيلمدەر دە پايدا بولدى. وسى جەردە ءبىر نارسەنى ەسكەرگەن ءجون. بۇگىندە فيلمدەردىڭ باسىم كوپشىلىگى مەملەكەتتىك تاپسىرىسپەن ەمەس، جەكە قارجىعا تۇسىرىلۋدە. كينو ماڭىزدى يدەولوگيالىق قۇرال ەكەنىن ءبارىمىز جاقسى تۇسىنەمىز. سوندىقتان جەكە قارجىعا تۇسىرىلسە دە، ءفيلمدى كينوتەاترعا شىعارماس بۇرىن الدىن الا سۇزگىدەن وتكىزۋ جولدارىن قاراستىرعان ءجون"، دەيدى دەپۋتات.
سونىمەن قاتار،ءماجىلىس دەپۋتاتى ەرلان سايروۆ پرەزيدەنت بايانداماسىندا ەلىمىزدىڭ كوپتەگەن ساياسي، رۋحاني ماسەلەلەرىنە كوڭىل اۋدارعانىن اتاپ ءوتتى.
"قۇرىلتايدىڭ جۇمىسىنىڭ ءوزى قازاقستانداعى ساياسي رەفورمالار ناتيجەسى. مەملەكەت باسشىسى سالىق رەفورماسىنىڭ لوگيكاسىنا توقتالدى. قازاقستاننىڭ مەملەكەتتىك بيۋدجەتىنىڭ جارتىسىنا جۋىعى الەۋمەتتىك ماسەلەلەردى شەشۋگە باعىتتالعان. مەملەكەت الەۋمەتتىك ماسەلەلەردى شەشۋدى ارى قاراي جالعاسا بەرەدى. ەلىمىزدە زاڭدى تۇلعالاردىڭ لگوتالارى وتە كوپ. وسى جەڭىلدىكتەردى ازايتۋ قاجەت"، دەيدى سايروۆ.
دەپۋتات الەۋمەتتىك جەلىدەگى ادەپتىلىك ماسەلەسى وتە وزەكتى ەكەنىن اتاپ ءوتتى.
"ءدىني تەرىس اعىمداردىڭ جاستاردىڭ سانا-سەزىمىنە تەرىس اسەرىنە تيىم سالۋ قاجەت. كينو سالاسىنداعى پروبلەمالارعا دا نازار اۋدارۋ ماڭىزدى. جاقىندا "شوقان قاشقارياعا ساپارى" ءمۋلتفيلمى شىقتى. وتە قاجەت ءونىم! وسىنداي تۋىندىلار كوپ بولۋى ءتيىس. قازاقستاننىڭ سولتۇستىگىندەگى حالقىمىزدىڭ سانىنىڭ ازايىپ بارا جاتقاندىعى جاسىرىن ەمەس. بۇل ماسەلەنى شەشۋ ۇلتتىق قاۋىپسىزدىك ماسەلەسى. "قازاقستان بالالارى" اتتى كەشەندى باعدارلاما قاجەت. بالالارىمىزدى ۇلتتىق ءداستۇر نەگىزىندە تاربيەلەۋ كەرەك. گەوساياسي جاعداي كۇردەلەنىپ كەلەدى. وتانشىل، پاتريوت بالالاردى تىربيەلەۋ كەرەك"، دەيدى دەپۋتات.
ەرلان سايروۆ قازاقستاننىڭ يدەولوگيا ماسەلەسى دە وتە وزەكتى ەكەنىن اتاپ ءوتتى.
"مەملەكەتتىك قۇندىلىقتاردى تەرەڭ قالىپتاستىرۋ قاجەت. وڭىرلەردە تەاترلاردى سالىپ، دامىتۋعا باسا نازار اۋدارۋ كەرەك. بيىل قازاقستاننىڭ استاناسىنىڭ قىزىلورداعا كوشۋىنە ءبىر عاسىر بولدى. سونىمەن قاتار ۇلتىمىزدىڭ "قازاق" اتاۋىنىڭ رەسمي قايتۋىنا دا ءبىر عاسىر بولدى. "شەكارالىق اۋدانداردى دامىتۋ" جونىندە جاڭا زاڭ قابىلداۋ جونىندە ۇسىنىس جاسادى، ۇكىمەت اتالعان ماسەلەنى شۇعىل شەشۋى كەرەك دەپ تاپسىرما بەردى! بۇل شەشىم شەكارالىق اۋدانداردى دامىتۋعا جوعارى سەرپىن بەرەتىنى انىق!"، دەيدى دەپۋتات.
