Búgin Senattyń jalpy otyrysynda depýtat Gennadii Shipovskih Úkimet basshysy Oljas Bektenovke Qazaqstandaǵy TikTok áleýmettik jelisin retteýdi kúsheitý týraly depýtattyq saýal joldady,- dep habarlaidy Dalanews.kz Qaz365.kz-ke silteme jasap.
Onyń aitýynsha, balalardyń psihikasy men jalpy densaýlyǵyna teris áser etetin, sondai-aq kiberqaýipsizdik pen derekterdiń qupiialylyǵyna qaýip tóndiretin beinekórinister platformada keńinen taralýda. Depýtat Frantsiia, Kanada, Qyrǵyzstan siiaqty kóptegen elder TikTok-ty paidalanýdy shekteý jóninde sharalar qabyldaǵanyn atap ótti.
«Búgingi tańda TikTok áleýmettik jelisi álemniń túkpir-túkpirinde tanymal. Elimizde de bul jeliniń qoldanýshylary sany artpasa, kemip jatqan joq. Kórshi elge tiesili bul platformany kreativti jandar jasóspirimderdi kásipke, bilimge, el tarihyna qyzyqtyrýǵa paidalanyp ta júr. Biraq ondai kontent sany ózge kontentpen salystyrǵanda shólge tamǵan tamshydai. TikTok-taǵy kontenttiń basym bóligi qandai sarynda ekenin men aitpasam da, ózderińiz baiqap júrsizder», - dedi senator.
Ol 13 jasqa tolmaǵan balalardyń TikTok-qa ata-anasynyń telefonynan kirgen jaǵdaida Face ID tehnologiiasy arqyly buǵattaý mehanizmin qarastyrý kerektigin aitty.
«Olai bolmaǵan jaǵdaida elimizde TikTok platformasyn buǵattaýdy suraimyz. Bul máselelerdiń sheshimin tabý el azamattarynyń densaýlyǵyn jáne moraldyq qundylyqtaryn saqtap qalýǵa, sondai-aq jastar arasynda taralyp jatqan qaýipti ádetterdi azaitýǵa baǵyttalǵan qadam bolmaq», - dedi senator Gennadii Shipovskih.
