بٷگٸن سەناتتىڭ جالپى وتىرىسىندا دەپۋتات گەنناديي شيپوۆسكيح ٷكٸمەت باسشىسى ولجاس بەكتەنوۆكە قازاقستانداعى TikTok ەلەۋمەتتٸك جەلٸسٸن رەتتەۋدٸ كٷشەيتۋ تۋرالى دەپۋتاتتىق ساۋال جولدادى,- دەپ حابارلايدى Dalanews.kz Qaz365.kz-كە سٸلتەمە جاساپ.
ونىڭ ايتۋىنشا, بالالاردىڭ پسيحيكاسى مەن جالپى دەنساۋلىعىنا تەرٸس ەسەر ەتەتٸن, سونداي-اق كيبەرقاۋٸپسٸزدٸك پەن دەرەكتەردٸڭ قۇپييالىلىعىنا قاۋٸپ تٶندٸرەتٸن بەينەكٶرٸنٸستەر پلاتفورمادا كەڭٸنەن تارالۋدا. دەپۋتات فرانتسييا, كانادا, قىرعىزستان سيياقتى كٶپتەگەن ەلدەر TikTok-تى پايدالانۋدى شەكتەۋ جٶنٸندە شارالار قابىلداعانىن اتاپ ٶتتٸ.
«بٷگٸنگٸ تاڭدا TikTok ەلەۋمەتتٸك جەلٸسٸ ەلەمنٸڭ تٷكپٸر-تٷكپٸرٸندە تانىمال. ەلٸمٸزدە دە بۇل جەلٸنٸڭ قولدانۋشىلارى سانى ارتپاسا, كەمٸپ جاتقان جوق. كٶرشٸ ەلگە تيەسٸلٸ بۇل پلاتفورمانى كرەاتيۆتٸ جاندار جاسٶسپٸرٸمدەردٸ كەسٸپكە, بٸلٸمگە, ەل تاريحىنا قىزىقتىرۋعا پايدالانىپ تا جٷر. بٸراق ونداي كونتەنت سانى ٶزگە كونتەنتپەن سالىستىرعاندا شٶلگە تامعان تامشىداي. TikTok-تاعى كونتەنتتٸڭ باسىم بٶلٸگٸ قانداي سارىندا ەكەنٸن مەن ايتپاسام دا, ٶزدەرٸڭٸز بايقاپ جٷرسٸزدەر», - دەدٸ سەناتور.
ول 13 جاسقا تولماعان بالالاردىڭ TikTok-قا اتا-اناسىنىڭ تەلەفونىنان كٸرگەن جاعدايدا Face ID تەحنولوگيياسى ارقىلى بۇعاتتاۋ مەحانيزمٸن قاراستىرۋ كەرەكتٸگٸن ايتتى.
«ولاي بولماعان جاعدايدا ەلٸمٸزدە TikTok پلاتفورماسىن بۇعاتتاۋدى سۇرايمىز. بۇل مەسەلەلەردٸڭ شەشٸمٸن تابۋ ەل ازاماتتارىنىڭ دەنساۋلىعىن جەنە مورالدىق قۇندىلىقتارىن ساقتاپ قالۋعا, سونداي-اق جاستار اراسىندا تارالىپ جاتقان قاۋٸپتٸ ەدەتتەردٸ ازايتۋعا باعىتتالعان قادام بولماق», - دەدٸ سەناتور گەنناديي شيپوۆسكيح.
