Onyń aitýynsha bul salyqtóleýshiler men biýdjet úshin artyq salmaq.
"Ómirimde eki ret kreditke kirdim, buǵan álige deiin ókinemin. Bireýinde - ipoteka aldym, endi birinde qolma-qol aqsha qajet boldy. Soǵan qaramai nesiemdi merziminen buryn ótedim. Bekerge jinigippin. Kreditimdi nesine japtym? Maǵan ony báribir keshire salar edi...", – dedi depýtat Gúljan Qaraǵusova Májilistegi salyq zańnamasy talqylanǵan otyrysta.
Onyń pikirinshe turmysy tómen azamattardyń qaryzyn ótei otyra Úkimet halyqty masyldyqqa uryndyryp otyr.
"Elbasymyz "halyqty salyq tóleýge úiretý kerek, salyqtan ózge Úkimette basy artyq aqsha joq" dep ár kezde eske salyp otyratyn edi. Búgingi biýdjet basy bútin siz ben bizdiń salyǵymyzdan quralǵan. Memlekettiń aqshasy", - deidi depýtat.
Qaraǵusova osy oraida AQSh-ty alǵa tartyp, bul elde 2007 jyldan beri eshkimniń qaryzy men krediti keshirilmegenin eske saldy.
"Kredit almai tura, oilan. Aqylǵa sal. Qaitararyńa kúmániń bolsa keiin qait. Eshkim seni májbúrlemeidi. Kredit aldyń ba, qaitar.
Is júzinde olar siz ben bizdiń, salyqtóleýshilerdiń esebinen kún kórip otyr. Mundaiǵa jol bermeý kerek.
Bireýler mańdai ter, taban aqysymen adal eńbek etedi, salyq tóleidi eken...al ózgeleri osyǵan ortaqtasady. Qazaqstan azamaty retinde mundai saiasatqa túbegeili qarsymyn", - dedi depýtat Qaraǵusova.
Ótken jyly prezident Toqaev turmysy tómen azamattardyń bereshegin óteý týraly sheshim qabyldaǵan.
Onyń nátijesi boiynsha 554 myń adamǵa kepilsiz tutynýshylyq nesieler boiynsha jalpy 115 mlrd teńge keshirildi.
Nesielik qaryzdardy keshirý boiynsha ótkizilgen sońǵy aqtsiia tek kelesi sharttardy eskere otyryp qaralǵan bolatyn:
– kóp balaly otbasylar, asyraýshysynan airylýyna bailanysty tólemder alatyn otbasylar, múgedek balalary bar otbasylar, 18 jastan asqan múgedekter, memlekettik ataýly áleýmettik kómek alýshylar; jetim balalar, ata-anasynyń qamqorlyǵynsyz qalǵan, jiyrma toǵyz jasqa tolmaǵan, kámeletke tolmai jatyp ata-anasynan aiyrylǵan balalar;
– nesie boiynsha jalpy qaryzy 2019 jylǵy 1 maýsymdaǵy jaǵdai boiynsha 3 million teńgeden aspaityndar;
– negizgi borysh pen oǵan eseptelgen paiyzdardan turatyn qaitarylatyn qaryz somasy 2019 jyldyń 1 maýsymyndaǵy jaǵdai boiynsha bir qaryz alýshyǵa 300 myń teńgeden aspaityndar.
"QR PÁ ótinishterdi qaraýdy baqylaý bólimine qiyn jaǵdaiǵa tap bolǵan azamattar úshin nesie boiynsha qaryzdyq júktemeni tómendetý týraly ótinishter túsip jatyr. Osyǵan bailanysty, Memleket basshysynyń tapsyrmasy boiynsha, 2019 jyly bul shara bir rettik negizde ótkizilgenin habarlaimyz", – degen edi budan buryn QR Prezidenti Ákimshiliginiń Qoǵamdyq qabyldaý komissiiasy.
