Satiralyq Qaznews24 pabliginiń avtory Temirlan Ensebek Májilis depýtaty Edil Jańbyrshinniń aryzy boiynsha politsiiaǵa shaqyrylǵany týraly advokat Janara Balǵabaeva habarlady, dep habarlaidy Dalanews.kz.
"Múmkin, bul dástúrli jaǵdaiǵa ainalyp bara jatqan shyǵar, Qaznews24 arnasynyń satiralyq jańalyqtaryna qatysty 274-bap boiynsha Májilis depýtaty Jańbyrshinniń aryzy tústi. Aryzdyń naqty mazmuny bizge kórsetilgen joq, bizge tek tapsyrma ǵana kórsetildi. Dosýdebtik tergeý Astana qalasy politsiia departamentiniń tergeý basqarmasy arqyly bastaldy", - dedi advokat.
Advokattyń oiynsha, 2021 jylǵy is pretsedent bolmaq jáne sońynda jýrnalisterge qarsy qýdalaý toqtatylýy múmkin.
"Biz mundai baptardyń jýrnalister men belsendilerdi jaýapkershilikke tartý quralyna ainalyp jatqanyn kórip otyrmyz. Bul eldegi sóz bostandyǵyna tikelei áser etedi. Mundai isterdiń barysyn muqiiat baqylaý qajet. Árbir sheshim mediasfera men Qazaqstan azamattyq qoǵamy úshin shekaralardy anyqtaityn pretsedent bolyp tabylady", - dep málimdedi «Erkindik qanaty» qoǵamdyq qory.
Eske salaiyq, "Alaýyzdyq qozdyrdy" dep aiyptalǵan Qaznews24 satiralyq pabliginiń avtory Temirlan Eńsebek 5 jyl bas bostandyǵyn shekteý jazasyna kesilgen edi.
Almaty qalasynyń Naýryzbai aýdandyq sotynda áleýmettik jelilerdi paidalaný arqyly ulttyq arazdyqty qozdyrdy dep aiyptalǵan Temirlan Eńsebekke qatysty qylmystyq is qaralǵan bolatyn.
"Temirlan Eńsebek Instagram paraqshasynyń 34 myńnan astam oqyrmany bar paraqshasynyń ákimshisi bola otyryp, basqa ult ókilderiniń ulttyq abyroiy men qadir-qasietin kópshilik aldynda qorlaýǵa baǵyttalǵan, dóreki, balaǵat sózdermen jazylǵan mátini bar mýzykalyq kompozitsiiamen birge post jariialaǵan", - delingen úkimde.
Sotta mundai áreketter Qazaqstan Respýblikasynyń negizgi qaǵidattarynyń biri bolyp tabylatyn ultaralyq kelisim men halyq birligin buzýǵa baǵyttalǵanyn aitty.
