Májilis depýtaty Jigýli Dairabaev Soltústik Qazaqstandaǵy aýyldar ataýyn qazaqshalaýdy talap etti, dep habarlaidy Dalanews.kz.
Ideologiiaǵa jaýapty azamattarǵa suraq: bizde soltústik óńirlerde eldimekenderdiń, kóshelerdiń ataýy qashan memlekettik tilimizge aýysady? Masqara ǵoi, ainalaiyndar, 34 jyldan beri táýelsiz Qazaqstan memleketinde ómir súrip jatyrmyz. Soltústik aimaqqa senbide baryp qaittym. Kirsem, basqa bir memlekette júrgen siiaqty sezinesiń. Bizdiń eshkimge ókpemiz joq. Biraq biz qazaq ulty memleket quraýshy ultpyz. Nege bizde qazaqsha bolmaidy? Kim kedergi? Qai jaqqa sizder qarap otyrsyzdar? Jan aýyrady kórgende, – dedi Jigýli Dairabaev.
Eske salaiyq, buǵan deiin Aqtóbede 20 kósheniń ataýy qazaqshalanǵan bolatyn.
Tizimdegi keibir usynystar:
▪️ Nahimov kóshesi Toqtamys hannyń qurmetine;
▪️ Kirpichnaia kóshesi — Roza Baǵlanovanyń qurmetine;
▪️ Oktiabrskaia kóshesi — Safýan Sháimerdenovtiń qurmetine;
▪️ Stantsionnaia kóshesi — Syrbai Máýlenovtiń qurmetine;
▪️ Mestprom tuiyǵy — Ábý Sársenbaevtyń qurmetine.
Sondai-aq, Belogorka turǵyn úi alabyna (Qundyzdy), Energetikter shaǵyn aýdanyna (Qazyǵurt) jáne taǵy birneshe kóshege jańa ataýlar usynyldy.
Jaqynda Senat depýtaty Nurtóre Júsip Qazaqstandaǵy qala men kóshe ataýlaryn turǵyndardyń pikirin suramastan ózgertý týraly usynys bildirgen edi.
