Depýtat Anas Baqqojaev anasy men baýyryna qatysty is týraly qosymsha pikir bildirdi, - dep habarlaidy Dalanews.kz Nege.kz-ke siltep.
Depýtat jaǵdaidy qaita tekserip, baýyry men anasynyń arasyndaǵy jaǵdaiǵa tolyǵyraq túsinikteme berdi:
«Men naqtyladym. Bul jazda bolǵan jaǵdai. Baýyrym ajyrasyp, ulymen jolyǵa almai júrgen. Ol balasymen kezdespek bolyp, oǵan qońyraý shalǵan. Bala ákesine dóreki jaýap bergen. Baýyrym ashýlanyp, jasyratyn eshteńesi joq, ishimdik ishken. Sosyn ol anamyzǵa barǵan. Anamyz oǵan otbasynyń tynyshtyǵyn buzbaýdy, sol jerge baryp, máseleni sheshý keregin eskertken. Baýyrym kelispei, janjal týyndap, ol bylapyt sózder aitqan.
Meniń oiymsha, anam naǵyz depýtattyń anasy retinde áreket etti: ol zań bárine birdei bolýy kerek dep sheshti, tipti bul óz ulyna qatysty bolsa da solai isteý qajet. Ol ákimshilik jaýapkershilikke tartyldy. Men oǵan rizamyn. Bul – uiat jaǵdai, jáne men inimniń áreketi úshin kópshilikten keshirim suraimyn. Biraq men endi ol mundai jaǵdaiǵa urynbaidy dep úmittenemin", - deidi Baqqojaev.
Eske salaiyq,buǵan deiin Astanadaǵy sot májilis depýtaty Anas Baqqojaevtyń aǵasy Arys Baqqojaevty otbasy-turmystyq qatynastar salasynda quqyqqa qaishy áreket jasaǵany úshin kináli dep tanyǵanyn habarlaǵan edik. Ol mas kúiinde óz anasyna balaǵat sózder aityp, qurmetsizdik tanytyp, onyń tynyshtyǵyn buzǵan. Sot oǵan mundai áreketterge jol berilmeitinin eskertip, bir jyl boiy jábirlenýshiniń kelisiminsiz oǵan jaqyndaýǵa, sondai-aq spirttik ishimdikter men psihotroptyq zattar qoldanýǵa tyiym saldy.
