Ulttyq ekonomika ministri Nurlan Baibazarov dollar baǵamynyń ózgerýine qatysty saýalǵa jaýap berdi, dep habarlaidy Dalanews.kz.
“Ulttyq bank kesheli beri arnaiy sharalar júrgizip jatqanyn málimdedi. Naryqtaǵy teńgerimdi saqtaý úshin Úkimettiń tapsyrmasymen jyl sońyna deiin 900 million dollardy teńgege aiyrbastap, biýdjetke aýdarý týraly sheshim qabyldanǵan. Biz ortasha jyldyq baǵamdy 470 teńge deńgeiinde dep eseptep, qarjylyq josparymyzdy sol kórsetkishke negizdedik”, – dep málimdedi Ulttyq ekonomika ministri.
Sonymen qatar tilshiler Baibazarovqa defolt bolýy múmkin degen áńgimelerdiń jiilep ketkenin de alǵa tartty.
Ministrdiń aitýynsha, elde eshqandai defolt kútilmeidi.
“Qarjy jaǵdaiy jalpy alǵanda turaqty, memlekettiń rezervteri bar. Sondyqtan qandai da bir defolt týraly sóz qozǵaýdyń qajeti joq. Importqa keletin bolsaq, bizde azyq-túlik emes, eń aldymen qurylys materialdaryna, jabdyqtar men tehnikaǵa táýeldilik bar. Bul baǵytta jumystar belsendi túrde júrgizilip jatyr”, – dedi Baibazarov.
Onyń sózinshe, valiýta baǵamy úkimet nazarynda.
"Valiýta baǵamynyń dinamikasyn baqylap otyramyz jáne meniń oiymsha, birinshi toqsanda onyń qai baǵytta qozǵalatyny shamamen belgili bolady", - dedi ol.
