ۇلتتىق ەكونوميكا ءمينيسترى نۇرلان بايبازاروۆ دوللار باعامىنىڭ وزگەرۋىنە قاتىستى ساۋالعا جاۋاپ بەردءى، دەپ حابارلايدى Dalanews.kz.
“ۇلتتىق بانك كەشەلى بەرى ارنايى شارالار جۇرگىزىپ جاتقانىن مالىمدەدى. نارىقتاعى تەڭگەرىمدى ساقتاۋ ءۇشىن ۇكىمەتتىڭ تاپسىرماسىمەن جىل سوڭىنا دەيىن 900 ميلليون دوللاردى تەڭگەگە ايىرباستاپ، بيۋدجەتكە اۋدارۋ تۋرالى شەشىم قابىلدانعان. ءبىز ورتاشا جىلدىق باعامدى 470 تەڭگە دەڭگەيىندە دەپ ەسەپتەپ، قارجىلىق جوسپارىمىزدى سول كورسەتكىشكە نەگىزدەدىك”، – دەپ مالىمدەدى ۇلتتىق ەكونوميكا ءمينيسترى.
سونىمەن قاتار تىلشىلەر بايبازاروۆقا دەفولت بولۋى مۇمكىن دەگەن اڭگىمەلەردىڭ جيىلەپ كەتكەنىن دە العا تارتتى.
ءمينيستردىڭ ايتۋىنشا، ەلدە ەشقانداي دەفولت كۇتىلمەيدى.
“قارجى جاعدايى جالپى العاندا تۇراقتى، مەملەكەتتىڭ رەزەرۆتەرى بار. سوندىقتان قانداي دا ءبىر دەفولت تۋرالى ءسوز قوزعاۋدىڭ قاجەتى جوق. يمپورتقا كەلەتىن بولساق، بىزدە ازىق-تۇلىك ەمەس، ەڭ الدىمەن قۇرىلىس ماتەريالدارىنا، جابدىقتار مەن تەحنيكاعا تاۋەلدىلىك بار. بۇل باعىتتا جۇمىستار بەلسەندى تۇردە جۇرگىزىلىپ جاتىر”، – دەدى بايبازاروۆ.
ونىڭ سوزىنشە، ۆاليۋتا باعامى ۇكىمەت نازارىندا.
"ۆاليۋتا باعامىنىڭ ديناميكاسىن باقىلاپ وتىرامىز جانە مەنىڭ ويىمشا، ءبىرىنشى توقساندا ونىڭ قاي باعىتتا قوزعالاتىنى شامامەن بەلگىلى بولادى"، - دەدى ول.
