Qazaqstandyq shabýylshy Dastan Sátbaevtyń Sydney Super Cup týrnirindegi goly eń úzdik dep tanyldy, dep habarlaidy dalanews.kz.
Avstraliianyń A-Leagues uiymy Sydney Super Cup aiasynda soǵylǵan eń ádemi alty goldyń reitingin jariialap, tizimniń birinshi ornyna «Chelsi» shabýylshysy Dastan Sátbaevtyń dobyn qoidy.
17 jastaǵy qazaqstandyq fýtbolshy "Vestern Sidnei Ýondererske" qarsy kezdesýdiń alǵashqy minýttarynda qorǵaýshylardyń arasynan sytylyp shyǵyp, qaqpashyny dál soqqymen qapy qaldyryp, esep ashqan bolatyn.
Tartysqa toly matchta "Chelsi" qarsylasyn 6:4 esebimen jeńdi. Sátbaev bul oiynda tek gol soǵyp qana qoimai, londondyq klýbtyń ekinshi nátijeli shabýylynyń bastalýyna da úles qosty.
