قازاقستاندىق شابۋىلشى داستان سەتباەۆتىڭ Sydney Super Cup تۋرنيرٸندەگٸ گولى ەڭ ٷزدٸك دەپ تانىلدى, دەپ حابارلايدى dalanews.kz.
اۆسترالييانىڭ A-Leagues ۇيىمى Sydney Super Cup اياسىندا سوعىلعان ەڭ ەدەمٸ التى گولدىڭ رەيتينگٸن جارييالاپ, تٸزٸمنٸڭ بٸرٸنشٸ ورنىنا «چەلسي» شابۋىلشىسى داستان سەتباەۆتىڭ دوبىن قويدى.
17 جاستاعى قازاقستاندىق فۋتبولشى "ۆەستەرن سيدنەي ۋوندەرەرسكە" قارسى كەزدەسۋدٸڭ العاشقى مينۋتتارىندا قورعاۋشىلاردىڭ اراسىنان سىتىلىپ شىعىپ, قاقپاشىنى دەل سوققىمەن قاپى قالدىرىپ, ەسەپ اشقان بولاتىن.
تارتىسقا تولى ماتچتا "چەلسي" قارسىلاسىن 6:4 ەسەبٸمەن جەڭدٸ. سەتباەۆ بۇل ويىندا تەك گول سوعىپ قانا قويماي, لوندوندىق كلۋبتىڭ ەكٸنشٸ نەتيجەلٸ شابۋىلىنىڭ باستالۋىنا دا ٷلەس قوستى.
