Byltyr qarashanyń aiaǵynda Májilis depýtaty Rinat Zaitov vitse-premer Tamara Dúisenovanyń atyna joldaǵan saýalynda UBT taqyrybyn kóterdi. Onyń aitýynsha, 2019 jyldan bastap Qazaqstanda ulttyq biryńǵai testileý men pedagogterdiń testi U-STUDY jeke firmasymen shart boiynsha júrgiziledi.
Zaitovtyń sózinshe, mundai aýtsorsing nátijesi óte sátsiz bolǵan.
"Kelisim jasalǵan sátten bastap UBT baǵasy 2 240 teńgeden 5 640 teńgege deiin, iaǵni eki esege ósti", - dedi depýtat.
Rinat Zaitov "memlekettik organdar kórsete alatyn qyzmetterge aralasýǵa" tyiym salýdy surady.
Basylym málimetinshe, UBT-nyń "jeke kompaniiaǵa" ótýiniń bastaýynda eks-prezident Nursultan Nazarbaevtyń úlken qyzy Dariǵa turdy degen derekter bar. Ol 2013 jyldyń basynda Májilis depýtaty bolyp júrgen kezinde ulttyq biryńǵai testileý men emtihandar arasynda tańdaý quqyǵyn zańnamalyq deńgeide bekitýdi usynǵan.
"Túlekterge UBT tapsyrý nemese oqýdy aiaqtaǵannan keiin keshendi testileýden ótkizý týraly zańnamalyq tańdaý quqyǵyn berý ideiasyn qarastyrý qajet. Iaǵni ol mektepte emtihan tapsyryp, sol jyly keshendi testileý arqyly JOO-ǵa túse alady nemese birden UBT-ǵa bara alady", - degen edi ol.
2016 jyly Dariǵa Nursultanqyzy premer-ministrdiń orynbasary bolǵan kezinde de UBT taqyrybyn qaita kóterli. Tiisti ministrliktiń alqasynda ol testileý sapaly bilimniń júz paiyz kórsetkishi bola almaitynyn aitty.
Dariǵa Nazarbaevanyń usynysy Ulttyq biryńǵai testileý júiesine qanshalyq áser etkeni belgisiz. Alaida 2017 jyldyń naýryzynda BAQ-ta Ustudy testileý ortalyqtarynyń negizin qalaýshy Janat Rahmani týraly aqparat tarady. Sonymen qatar, U-study kompaniiasy 10 million dollar kóleminde jeke investitsiia alǵany aityldy.
Alaida investordyń aty atalmai qaldy. Al U-study Ulttyq testileý ortalyǵymen kelisimshartqa otyryp, talapkerlerdi, stýdentter men oqytýshylardy testileý salasynda jetekshilik ete bastady.
Ulysmedia.kz málimetinshe, kompaniia quryltaishysynyń esimi qazaqstandyq "Forbs" tiziminde kórsetilgen, sonymen qatar, onyń ideiasyn uzaq jyl boiy Dariǵa Nazarbaeva kóterip júrgen. Ol oligarhtyń esimi - Bahritdin Ablazimov.
Basylym Ulttyq testileý ortalyǵynan UBT-ǵa qansha qarjy bólingeni týraly aqparat alǵan:
- 2021 jyly 307 mln 084 myń teńge;
- 2022 jyly 199 mln 829 myń teńge;
- 2023 jyly 51 mln 009 myńteńge.
Bir qyzyǵy bul qarajat 100 paiyz igerilgen.
Sýret: liter.kz
https://dalanews.kz/del-qazir/98519-maraldydagy-altyn-dauy-zauyt-qurylys
