بىلتىر قاراشانىڭ اياعىندا ءماجىلىس دەپۋتاتى رينات زايتوۆ ۆيسە-پرەمەر تامارا دۇيسەنوۆانىڭ اتىنا جولداعان ساۋالىندا ۇبت تاقىرىبىن كوتەردى. ونىڭ ايتۋىنشا، 2019 جىلدان باستاپ قازاقستاندا ۇلتتىق ءبىرىڭعاي تەستىلەۋ مەن پەداگوگتەردىڭ تەستى U-STUDY جەكە فيرماسىمەن شارت بويىنشا جۇرگىزىلەدى.
زايتوۆتىڭ سوزىنشە، مۇنداي اۋتسورسينگ ناتيجەسى وتە ءساتسىز بولعان.
"كەلىسىم جاسالعان ساتتەن باستاپ ۇبت باعاسى 2 240 تەڭگەدەن 5 640 تەڭگەگە دەيىن، ياعني ەكى ەسەگە ءوستى"، - دەدى دەپۋتات.
رينات زايتوۆ "مەملەكەتتىك ورگاندار كورسەتە الاتىن قىزمەتتەرگە ارالاسۋعا" تىيىم سالۋدى سۇرادى.
باسىلىم مالىمەتىنشە، ۇبت-نىڭ "جەكە كومپانياعا" ءوتۋىنىڭ باستاۋىندا ەكس-پرەزيدەنت نۇرسۇلتان نازاربايەۆتىڭ ۇلكەن قىزى داريعا تۇردى دەگەن دەرەكتەر بار. ول 2013 جىلدىڭ باسىندا ءماجىلىس دەپۋتاتى بولىپ جۇرگەن كەزىندە ۇلتتىق ءبىرىڭعاي تەستىلەۋ مەن ەمتيحاندار اراسىندا تاڭداۋ قۇقىعىن زاڭنامالىق دەڭگەيدە بەكىتۋدى ۇسىنعان.
"تۇلەكتەرگە ۇبت تاپسىرۋ نەمەسە وقۋدى اياقتاعاننان كەيىن كەشەندى تەستىلەۋدەن وتكىزۋ تۋرالى زاڭنامالىق تاڭداۋ قۇقىعىن بەرۋ يدەياسىن قاراستىرۋ قاجەت. ياعني ول مەكتەپتە ەمتيحان تاپسىرىپ، سول جىلى كەشەندى تەستىلەۋ ارقىلى جوو-عا تۇسە الادى نەمەسە بىردەن ۇبت-عا بارا الادى"، - دەگەن ەدى ول.
2016 جىلى داريعا نۇرسۇلتان قىزى پرەمەر-مينيستردىڭ ورىنباسارى بولعان كەزىندە دە ۇبت تاقىرىبىن قايتا كوتەرلى. ءتيىستى مينيسترلىكتىڭ القاسىندا ول تەستىلەۋ ساپالى ءبىلىمنىڭ ءجۇز پايىز كورسەتكىشى بولا المايتىنىن ايتتى.
داريعا نازاربايەۆانىڭ ۇسىنىسى ۇلتتىق ءبىرىڭعاي تەستىلەۋ جۇيەسىنە قانشالىق اسەر ەتكەنى بەلگىسىز. الايدا 2017 جىلدىڭ ناۋرىزىندا باق-تا Ustudy تەستىلەۋ ورتالىقتارىنىڭ نەگىزىن قالاۋشى جانات راحماني تۋرالى اقپارات تارادى. سونىمەن قاتار، U-study كومپانياسى 10 ميلليون دوللار كولەمىندە جەكە ينۆەستيسيا العانى ايتىلدى.
الايدا ينۆەستوردىڭ اتى اتالماي قالدى. ال U-study ۇلتتىق تەستىلەۋ ورتالىعىمەن كەلىسىمشارتقا وتىرىپ، تالاپكەرلەردى، ستۋدەنتتەر مەن وقىتۋشىلاردى تەستىلەۋ سالاسىندا جەتەكشىلىك ەتە باستادى.
Ulysmedia.kz مالىمەتىنشە، كومپانيا قۇرىلتايشىسىنىڭ ەسىمى قازاقستاندىق "فوربس" تىزىمىندە كورسەتىلگەن، سونىمەن قاتار، ونىڭ يدەياسىن ۇزاق جىل بويى داريعا نازاربايەۆا كوتەرىپ جۇرگەن. ول وليگارحتىڭ ەسىمى - باحريتدين ابلازيموۆ.
باسىلىم ۇلتتىق تەستىلەۋ ورتالىعىنان ۇبت-عا قانشا قارجى بولىنگەنى تۋرالى اقپارات العان:
- 2021 جىلى 307 ملن 084 مىڭ تەڭگە؛
- 2022 جىلى 199 ملن 829 مىڭ تەڭگە؛
- 2023 جىلى 51 ملن 009 مىڭتەڭگە.
ءبىر قىزىعى بۇل قاراجات 100 پايىز يگەرىلگەن.
سۋرەت: liter.kz
https://dalanews.kz/del-qazir/98519-maraldydagy-altyn-dauy-zauyt-qurylys
