Beiker-strittegi úidiń qojaiyny Dariǵa Nazarbaeva ekenin 2015 jyly Global Whitness zertteý jobasy anyqtaǵan.
Ol kezde Nazarbaevanyń ieligindegi úi 185 mln fýnt sterlingke baǵalaǵan-dy (teńgege shaqqanda 84 mlrd!). Muny The Times gazeti de rastaǵan-tuǵyn. Atalǵan basylym kezinde Beiker-strittegi úidi Dariǵa Nazarbaevanyń eks-kúieýi Rahat Áliev 140 mln fýnt sterlingke satyp alǵanyn jazǵan.
Rahat Áliev qaza bolǵannan keiin áigili úi Dariǵa Nazarbaeva men onyń uly Nuráli Álievtiń ieligine ótken edi.
Osyǵan deiin Beiker-strittegi áigili úi Farmont Baker Street Ltd kompaniiasyna tiesili bolǵan. Atalǵan kompaniia BAÁ-de tirkelgen Landmark Network Real Estate LLC kompaniiasyna qaraǵanyn bireý bilse, bireý bilmeýi múmkin.
2022 jyly Farmont Baker Street kompaniiasynyń direktory men zańdy meken jaiy ózgergen. Osydan keiin biznes-reestrde biz sóz etip otyrǵan úidiń jańa qojaiyndary retinde Djosh Baýmgarten men Adam Shvartstiń esimderi atala bastady.
Djosh Baýmgarten men Adam Shvarts Angelo Gordon dep atalatyn investitsiialyq kompaniianyń Londondaǵy filialynyń direktory bolyp qyzmet atqarady. Aktivteri 53 mlrd-dy quraityn Angelo Gordon amerikandyq zeinetaqy qorlarynyń kapitaldaryn tiimdi jobalarǵa investitsiialap paida tabatyn kompaniia.
Osydan keiin Dariǵa Nazarbaevanyń Beiker-strittegi úii Niý-Iorktyń irgesindegi Djersi qalasyna tirkelgen Baker Melcombe Property Ltd kompaniiasynyń ieligine ótti. Dariǵa Nazarbaeva álemniń nazaryn aýdarǵan úidi amerikandyqtarǵa satyp, tynysh tapqan syndy.
Aitpaqshy, kezinde 140 mln fýnt sterlingke satyp alǵan úiin 110 mln-ǵa áreń ótkizgen Nazarbaeva 30 mln fýnt sterling shyǵyn shegipti. Biraq qoiny-qonyshy aqshaǵa toly Nazarbaeva úshin bul bas aýyrtatyn másele emes. Qaida qalmaǵan milliondar deseńizshi?..
Eń bastysy endi onyń qulaǵy tynysh: álemdik aqparat "Beiker-strittegi áigili úidi ailyqqa qarap otyrǵan Dariǵa Nazarbaeva qalai ǵana aldy?" dep qazbalaýdy doǵarady.
➡️ Ýkrain zańgeri Liýdmila Kozlovskaia Muhtar Ábiliazovpen tize qosyp, Aqordaǵy shabýyldy údetipti. Tolyq aqparat siltemede:
https://t.me/dalainside/1277
https://dalanews.kz/news/88620-ayes-mamandar-yekologiialyq-saraptama-zh
https://dalanews.kz/del-qazir/88294-biz-manggurt-ekenbiz-qazaqstanga-qash
https://dalanews.kz/bas-takyryp/88267-tabigi-baylyq-elding-turaqty-damuyna-n
