بەيكەر-ستريتتەگٸ ٷيدٸڭ قوجايىنى داريعا نازارباەۆا ەكەنٸن 2015 جىلى Global Whitness زەرتتەۋ جوباسى انىقتاعان.
ول كەزدە نازارباەۆانىڭ يەلٸگٸندەگٸ ٷي 185 ملن فۋنت ستەرلينگكە باعالاعان-دى (تەڭگەگە شاققاندا 84 ملرد!). مۇنى The Times گازەتٸ دە راستاعان-تۇعىن. اتالعان باسىلىم كەزٸندە بەيكەر-ستريتتەگٸ ٷيدٸ داريعا نازارباەۆانىڭ ەكس-كٷيەۋٸ راحات ەليەۆ 140 ملن فۋنت ستەرلينگكە ساتىپ العانىن جازعان.
راحات ەليەۆ قازا بولعاننان كەيٸن ەيگٸلٸ ٷي داريعا نازارباەۆا مەن ونىڭ ۇلى نۇرەلٸ ەليەۆتٸڭ يەلٸگٸنە ٶتكەن ەدٸ.
وسىعان دەيٸن بەيكەر-ستريتتەگٸ ەيگٸلٸ ٷي Farmont Baker Street Ltd كومپانيياسىنا تيەسٸلٸ بولعان. اتالعان كومپانييا باە-دە تٸركەلگەن Landmark Network Real Estate LLC كومپانيياسىنا قاراعانىن بٸرەۋ بٸلسە, بٸرەۋ بٸلمەۋٸ مٷمكٸن.
2022 جىلى Farmont Baker Street كومپانيياسىنىڭ ديرەكتورى مەن زاڭدى مەكەن جايى ٶزگەرگەن. وسىدان كەيٸن بيزنەس-رەەستردە بٸز سٶز ەتٸپ وتىرعان ٷيدٸڭ جاڭا قوجايىندارى رەتٸندە دجوش باۋمگارتەن مەن ادام شۆارتستٸڭ ەسٸمدەرٸ اتالا باستادى.
دجوش باۋمگارتەن مەن ادام شۆارتس Angelo Gordon دەپ اتالاتىن ينۆەستيتسييالىق كومپانييانىڭ لوندونداعى فيليالىنىڭ ديرەكتورى بولىپ قىزمەت اتقارادى. اكتيۆتەرٸ 53 ملرد-دى قۇرايتىن Angelo Gordon امەريكاندىق زەينەتاقى قورلارىنىڭ كاپيتالدارىن تيٸمدٸ جوبالارعا ينۆەستيتسييالاپ پايدا تاباتىن كومپانييا.
وسىدان كەيٸن داريعا نازارباەۆانىڭ بەيكەر-ستريتتەگٸ ٷيٸ نيۋ-يوركتىڭ ٸرگەسٸندەگٸ دجەرسي قالاسىنا تٸركەلگەن Baker Melcombe Property Ltd كومپانيياسىنىڭ يەلٸگٸنە ٶتتٸ. داريعا نازارباەۆا ەلەمنٸڭ نازارىن اۋدارعان ٷيدٸ امەريكاندىقتارعا ساتىپ, تىنىش تاپقان سىندى.
ايتپاقشى, كەزٸندە 140 ملن فۋنت ستەرلينگكە ساتىپ العان ٷيٸن 110 ملن-عا ەرەڭ ٶتكٸزگەن نازارباەۆا 30 ملن فۋنت ستەرلينگ شىعىن شەگٸپتٸ. بٸراق قوينى-قونىشى اقشاعا تولى نازارباەۆا ٷشٸن بۇل باس اۋىرتاتىن مەسەلە ەمەس. قايدا قالماعان ميلليوندار دەسەڭٸزشٸ?..
ەڭ باستىسى ەندٸ ونىڭ قۇلاعى تىنىش: ەلەمدٸك اقپارات "بەيكەر-ستريتتەگٸ ەيگٸلٸ ٷيدٸ ايلىققا قاراپ وتىرعان داريعا نازارباەۆا قالاي عانا الدى?" دەپ قازبالاۋدى دوعارادى.
➡️ ۋكراين زاڭگەرٸ ليۋدميلا كوزلوۆسكايا مۇحتار ەبٸليازوۆپەن تٸزە قوسىپ, اقورداعى شابۋىلدى ٷدەتٸپتٸ. تولىق اقپارات سٸلتەمەدە:
https://t.me/dalainside/1277
https://dalanews.kz/news/88620-ayes-mamandar-yekologiialyq-saraptama-zh
https://dalanews.kz/del-qazir/88294-biz-manggurt-ekenbiz-qazaqstanga-qash
https://dalanews.kz/bas-takyryp/88267-tabigi-baylyq-elding-turaqty-damuyna-n
