Almaty qalasynyń ákimi Darhan Satybaldy Qandy Qańtar oqıǵasy kezinde jaqyndarynan aıyrylǵan áıelderdiń baspana máselesin kóterip júrgeni jóninde pikir bildirdi, dep habarlaıdy Dalanews.kz.
Azattyq tilshisi ákimnen Qańtar kezinde kúıeýlerinen aıyrylǵan otbasylardyń ákimdikke jıi baryp, úı berýdi suraıtyny jáne bul ýádelerdiń oryndalý múmkindigi týraly suraǵan.
Qala ákiminiń aıtýynsha, bul másele oǵan burynnan belgili. Onyń sózinshe, ishki saıasat basqarmasy atalǵan áıelder tarapynan baspana máselesine baılanysty ótinishter túskenin habarlaǵan.
"Ol otbasylar boıynsha naqty málimetterdi aldyrtamyz. Eger shynymen de kómekke muqtaj, áleýmettik jaǵdaıy aýyr ekeni anyqtalsa, demeýshiler tartý máselesin qaraımyz", - dedi Darhan Satybaldy.
