الماتى قالاسىنىڭ ەكٸمٸ دارحان ساتىبالدى قاندى قاڭتار وقيعاسى كەزٸندە جاقىندارىنان ايىرىلعان ەيەلدەردٸڭ باسپانا مەسەلەسٸن كٶتەرٸپ جٷرگەنٸ جٶنٸندە پٸكٸر بٸلدٸردٸ, دەپ حابارلايدى Dalanews.kz.
ازاتتىق تٸلشٸسٸ ەكٸمنەن قاڭتار كەزٸندە كٷيەۋلەرٸنەن ايىرىلعان وتباسىلاردىڭ ەكٸمدٸككە جيٸ بارىپ, ٷي بەرۋدٸ سۇرايتىنى جەنە بۇل ۋەدەلەردٸڭ ورىندالۋ مٷمكٸندٸگٸ تۋرالى سۇراعان.
قالا ەكٸمٸنٸڭ ايتۋىنشا, بۇل مەسەلە وعان بۇرىننان بەلگٸلٸ. ونىڭ سٶزٸنشە, ٸشكٸ ساياسات باسقارماسى اتالعان ەيەلدەر تاراپىنان باسپانا مەسەلەسٸنە بايلانىستى ٶتٸنٸشتەر تٷسكەنٸن حابارلاعان.
"ول وتباسىلار بويىنشا ناقتى مەلٸمەتتەردٸ الدىرتامىز. ەگەر شىنىمەن دە كٶمەككە مۇقتاج, ەلەۋمەتتٸك جاعدايى اۋىر ەكەنٸ انىقتالسا, دەمەۋشٸلەر تارتۋ مەسەلەسٸن قارايمىز", - دەدٸ دارحان ساتىبالدى.
