"Máselen, qoldanystaǵy baǵalyq shekteýlerdi qalyptastyrý ádistemesi, kóshirmelengen dári-dármekterdiń baǵasyn jasandy túrde kóterýge múmkindik beredi, al halyqaralyq tájirıbede osyndaı dári-dármekter 30%-dan astam tómen baǵamen satylady", delingen agenttik taldaýynda.
Sondaı-aq "Ulttyq dári-dármekter men medısınalyq buıymdar saraptamasy ortalyǵy" SHJQ RMK qyzmetindegi mańyzdy kemshilikter baıqalýda, óıtkeni ol kórshi elderdegi dári-dármek baǵalaryn ústirt salystyryp, tek ótinish berýshilerdiń bergen málimetterimen shekteletini de aıtylady.
"Sonymen qatar, "SQ-Farmasıa" JSHS baǵa básekelestigin qoldaýǵa múddeli bolmaýynyń qaýpi bar, sebebi onyń paıdasy satyp alynǵan dári-dármekterdiń qunynan 5%-dan 7%-ǵa deıingi ústeme aqy arqyly qalyptasady. Bul degenimiz, dári-dármektiń baǵasy neǵurlym joǵary bolsa, soǵurlym Birińǵaı dıstrıbútor kóbirek paıda tabatynyn bildiredi. Atalǵan táýekelderdi aldyn alý úshin agenttik Densaýlyq saqtaý mınıstrligine dári-dármek baǵasynyń negizsiz ósýine yqpal etetin sebepterdi joıý boıynsha sharalar qabyldaý qajettiligi týraly usynymdar berdi. 2024 jylǵy 25 jeltoqsanda jaýapty organ dári-dármekterdiń baǵalaryn qalyptastyrý jáne ústemeler boıynsha erejelerge ózgerister engizdi. Bul rette baǵalardy retteý ádisinde ózgerister jasaldy", delingen agenttik aıyptaýynda.
Baǵalardy salystyrý úshin balamaly aqparat kózderin engizý, generıkalyq preparattardyń baǵasyn túpnusqa dári-dármek baǵasynan 30%-ǵa tómendetý, dári-dármektiń qunyna engiziletin qosymsha shyǵyndardy azaıtý jáne ústemelerdi qaıta qarastyrý kózdeldi.
"SQ-Farmasıa" JSHS dárilik zattar men medısınalyq buıymdardy tıimdi ýaqtyly satyp alý, sondaı-aq básekelestikke qarsy normalardy boldyrmaý maqsatynda otandyq jáne sheteldik óndirýshilerden satyp alý tártibin ózgertý jóninde usynystar engizdi", dep habarlaıdy kompanıanyń baspasóz qyzmeti.
Búgingi tańda QR Densaýlyq saqtaý mınıstrligi "SQ-Farmasıa" engizgen usynystardy eskere otyryp, burynǵy normalardy qaıta qarap, dárilik zattar men medısınalyq buıymdardy satyp alýdy uıymdastyrý men ótkizýdiń jańa qaǵıdalaryn bekitti (QR DSM 2023 jylǵy 7 maýsymdaǵy № 110 buıryǵy).
"Endi ótinimder bolmaǵan jaǵdaıda nemese áleýetti ónim berýshiden bir ótinim berilgen kezde satyp alý ótkizilmegen dep tanylady. Osydan keıin tikeleı dárilik zattardy nemese medısınalyq buıymdardy óndirýshilerge shaqyrýlar jiberiledi. Satyp alý dárilik zattar men medısınalyq buıymdardy óndirýshilerden tikeleı satyp alýǵa baǵyttalady dep paıymdaımyz", - deıdi kompanıadaǵylar.
Tender tásilimen satyp alý sáıkes kelmeıtin ótinimderge jol bermeıtin belgilengen talaptarǵa sáıkes jáne "Elektrondyq qarjy ortalyǵy" AQ satyp alý portaly arqyly elektrondyq túrde júzege asyrylatynyn atap ótý qajet. Bul jetkizýshini tańdaý kezinde adamı faktordy joıady, osylaısha satyp alý prosedýrasynyń ashyqtyǵyn qamtamasyz etedi.
Sonymen qatar, "SQ-Farmasıa" BUU-nyń halyqaralyq uıymdary (BUUDB, IýNISEF, STOP TB) arqyly satyp alýdy júzege asyrady, sonyń arqasynda preparattar tómendetilgen baǵamen (shoǵyrlandyrylǵan halyqaralyq kólemdi satyp alý esebinen) satyp alynady, bul pasıentterdi qamtý deńgeıin ulǵaıtýǵa múmkindik beredi.
QR "Halyq densaýlyǵy jáne densaýlyq saqtaý júıesi týraly" Kodeksiniń 7-babyna sáıkes QR Densaýlyq saqtaý mınıstrligi TMKKK sheńberinde jáne MÁMS júıesinde dárilik zattar men medısınalyq buıymdarǵa shekti baǵalar men ústeme baǵalardy qalyptastyrý qaǵıdalaryn, sondaı-aq shekti baǵalar men ústeme baǵalardyń tizbesin ázirleıdi jáne bekitedi.
"SQ-Farmasıa" JSHS dári-dármekterdi belgilengen shekti baǵadan aspaıtyn baǵamen satyp alady.
Esterińizge sala keteıik, buǵan deıin mınıstrlik dárilik zattardyń baǵasyn retteýdiń jańa tetigin bekitti, ol TMKKK, MÁMS sheńberinde em alatyn jáne dárihanalardyń bólshek saýda jelisinde pasıentterdi qamtamasyz etý úshin satylatyn preparattardyń shekti qunyn tómendetýdi kózdeıdi.
