Qazaqstanda "Ulttyq qor - balalarǵa" baǵdarlamasy aiasynda keiingi úsh jylda balalardyń shotyna 2,5 mlrd dollardan asa qarajat jinalǵan. Baǵdarlama Prezident Qasym-Jomart Toqaevtyń bastamasymen iske qosylyp, ulttyq resýrstardan túsetin tabysty azamattar arasynda bólýdiń mańyzdy tetikteriniń birine ainaldy, dep habarlaidy dalanews.kz.
Joba eki maqsatqa baǵyttalǵan. Biri bolashaq urpaqty qoldaý bolsa, ekinshisi - ulttyq bailyqtan túsetin tabysty halyq igiligine paidalaný.
Baǵdarlama boiynsha jinalǵan qarajatty tek turǵyn úi jaǵdaiyn jaqsartýǵa nemese bilim alýǵa jumsaýǵa bolady. Sonymen qatar, kámeletke tolmaǵan azamattar júiege avtomatty túrde qosylady, arnaiy ótinish berýdiń qajeti joq.
Jinaq AQSh dollarymen esepteletindikten, qarajat infliatsiiadan qorǵalǵan. Al qarjyny 18 jasqa tolǵanǵa deiin paidalaný múmkin emes, bul onyń maqsatsyz jumsalýyna jol bermeidi.
2026 jyly baǵdarlamaǵa qatysatyn 6,9 mln balaǵa Ulttyq qordan 130,71 dollardan aýdarylǵan.
Al 2026 jylǵy 1 qańtarǵa deiin 206 myńǵa jýyq ótinish oryndalǵan. Onyń ishinde turǵyn úi jaǵdaiyn jaqsartýǵa 127 myń ótinish boiynsha 19,7 mln dollar, al bilim alýǵa 78 myń ótinish boiynsha 12 mln dollar jumsalǵan.
Mamandardyń aitýynsha, qazir ár balaǵa shaqqandaǵy soma kóp kórinbeýi múmkin. Alaida baǵdarlama jinaq júiesimen jumys isteitindikten, onyń negizgi tiimdiligi ýaqyt óte baiqalady. Ásirese, baǵdarlamaǵa uzaq ýaqyt qatysqan balalar kóbirek qarajat jinai alady.
