⠀
Oblys ákimi Danial Ahmetovtyń aitýynsha «Baqytty otbasy» baǵdarlamasy aiasynda qalalar men aýdan ortalyqtarynda turatyn kópbalaly otbasylar tómendetilgen 2% ústememen nesie rásimdei alady.
"Turǵyn úi qurylys jinaq banki tarapynan maquldanǵan jaǵdaida, alǵashqy jarnasyn salýǵa múmkindigi joq januialarǵa komissiia sheshimimen jarna qunyn beremiz", – deidi óńir basshysy.
⠀
Aita keteiik, bul baǵdarlama arqasynda Shyǵys Qazaqstannyń aýyldyq jerlerinde úi kezeginde turǵan 236 kópbalaly otbasy baspanaly boldy.
9 tamyz Úrjar aýdanyna jasaǵan jumys sapary barysynda Danial Ahmetov kópbalaly ana Gúljanar Sárbievany jańa qonysymen quttyqtaǵan bolatyn.
Alty balany baǵyp-qaǵyp otyrǵan tárbielep otyrǵan Gúljanar Sárbievanyń joldasy densaýlyǵyna bailanysty jumysqa jaramsyz eken.
"Kúmis alqaly" ana baspanaly bolýdy kópten beri armandaǵan. 13 jyl boiy páter jaldap turǵan januiaǵa óz aýlasy, baý - baqshasy bar baspana berildi.
Jalpy Úrjar aýdanynda biyl 20 kópbalaly otbasy osy baǵdarlamanyń jemisin kórip, úili boldy. Aýdanyndaǵy berekeli is munymen toqtamaidy. Biyl taǵy 30 otbasynyń tútinin túzetý josparlanǵan.
